UE ivuga ko ibiganiro biheruka vyahuje abarundi i Arusha ataco vyashitseko

Yanditswe na Vianney BIKORIMANA
Kuya 16 décembre 2017 saa 11:38
21045
0 0

Ishirahamwe ry’Ubumwe bwa Buraya, igisata gikorera mu Burundi rihamagira abanyeporitike bose kubandanya ibiganiro kuko ibiganiro biheruka kubera i Arusha vyerekeye indyane za poritike ziri mu gihugu ataco vyashitseko.

Umurwi w’Ishirahamwe rya Buraya mu Burundi usigura ko abitavye ibiganiro biheruka batumvikanye kugira bashike kuco bumvikanyeko bose.

Mw’itangazo uwo murwi w’Ishirahamwe ry’Ubumwe bwa Buraya wasohoye ,izo ntumwa zivuga ko ibiganiro ariyo nzira ynyene irama yo gutorera inyishu ibibazo vya poritike.

Uwo murwi ushikiriza ko igikorwa co guhinyanyura ibwirizwa shingiro gishobora kugira ingaruka kuko vyohava bituma umushinge w’amasezerano ya Arusha mu gutsimbataza amahoro n’umutekano bishirwa inyuma.

Ishirahamwe ry’Ubumwe bwa Buraya,rivuga ko Reta ishigikiwe n’ibihugu vyo mu karere ari nkenerwa, kugira igikorwa cahawe umwunganirizi w’umuhuza Benjamin William Mkapa gishike ku nyishu.

Ishirahamwe ry’Ubumwe bwa Buraya rimenyesha ko rifashe mu mugongo kandi rishigikiye ibikorwa birangurwa n’ibiro vy’umuhuza mu matati y’Uburundi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha