UPRONA yemeza ko amasezerano y’i Arusha agifise akanovera

Yanditswe na Egide NDUWIMANA
Kuya 28 Myandagaro 2017 saa 03:40
Yasomwe : 6966
0 0

Umugambwe UPRONA, umwe mu migambwe yateye umukono ku masezerano y’i Arusha uvuga ko ayo masezerano yagiriye akamaro kanini igihugu c’Uburundi, kuko ariyo yatumye intamabara ihagarara hagati ya Reta n’abayirwanya. Uwo mugambwe umenyesha ko bigikenewe ko ayo masezerano yubahirizwa, kuko agifise akanovera gakomeye.

Imyaka 17 yakwiye kuri uwu wa mbere igenekerezo rya 28 Myandagaro 2017 Uburundi bwemeje amasezerano y’i Arusha yahagaritse intambara mu Burundi. Umugambwe UPRONA usaba ko ayo masezerano y’i Arusha yokwubahirizwa kugira igihugu c’Uburundi gitekane.

Abel GASHATSI, umukuru w’uwo atera akamo abari mu murwi wiga ivyohinyanyurwa mw’ibwirizwa shingiro ko boshira imbere ineza y’igihugu.

"Mu vyokorwako vyose, amasezerano y’i Arusha yokwubahirizwa kuko ariyo yatumye inzego z’umutekano na gisirikare zikorana, abari bashamiranye bashira hamwe, amoko yose aserukirwa mu nzego z’igihugu."

JPEG - 96.5 ko
Abel GASHATSI, umukuru w’umugambwe UPRONA

Bamwe mu batavuga rumwe n’ubutegetsi hamwe n’abo mu mashirahamwe adaharanira ivyicaro vya poritike mu Burundi bamenyesha ko intureka za poritike zimaze imyaka ibiri mu Burundi zatewe n’ugusubira kwitoza kw’umukuru w’igihugu Petero NKURUNZIZA mu kiringo ca gatatu, ibitandukanye n’amasezerano y’i Arusha avuga ko umukuru w’igihugu atwara ibiringo bibiri gusa.


Kumenyekanisha

1
AJTGJM 29-08-2017 à 19:27

IYO UMUNTU AHINDUYE ICANDITE MWACANDIKIYE HAMWE MUNUMYE BAZOBABWIRA BABIKOZE MURIKUMWE MURARABE NEZA MUZO KWICUZA MUNYUMA

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha