Uburundi bwakiriye ihuriro ryatunganijwe n’ishirahamwe Rotary ku bijanye n’amahoro

Yanditswe na IGIHE
Kuya 19 juin 2018 saa 12:51
90240
0 0

Ishirahamwe Rotary ryatunganije ikoraniro mpuzamakungu ku bijanye n’amahoro muri Afrika, kuva kur’uyu wa kabiri igenekerezo rya 19 Ruheshi 2018, mu gisagara ca Bujumbura. Ibirori vyo kwugurura iryo huriro vyatewe iteka n’icegera ca mbere c’umukuru w’igihugu Gaston SINDIMWO.

Iryo huriro ryitabwe n’urwaruka ruvuye mu bihugu bitandukanye vyo ku mugabane wa Afrika, ryatunganijwe ku civugo :« Urwaruka, Amahoro n’iterambere. »

Mw’ijambo ryo kwugurura iryo huriro, icegera ca mbere c’umukuru w’igihugu, Gaston SINDIMWO, yamenyesheje ko ata mahoro n’umutekano mu bijanye n’intwaro iterambere ry’igihugu naryo ridashoboka.

JPEG - 52.9 ko
Gaston SINDIMWO, Icegera ca mbere c’umukuru w’igihugu

Icegera ca mbere c’umukuru w’igihugu yavuze kandi ko igihugu c’Uburundi cizeye ko urwaruka rwitavye iryo huriro rugiye kuba abaserukizi b’Uburundi aho bavuye, bavuge kandi ko Uburundi buri mu mahoro.

Iryo huriro ririko ribera I Bujumbura kuva kur’uyu wa kabiri, rizorangira kur’uyu wa gatatu igenekerezo rya 20 Ruheshi 2018.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha