Uburundi bwashize umukono ku masezerano yo kwakira inama ya COMESA igira 19

Yanditswe na MUGISHA Van Naris
Kuya 7 juillet 2017 saa 01:01
Yasomwe : 14211
0 0

Umushikiranganji w’ubudandaji,amahinguriro n’ingenzi Pelate NIYONKURU , ari kumwe n’umunyamabanga mukuru w’Ishirahamwe ry’isoko rusangi ry’ibihugu vyo mu Buseruko n’ubumanuko bw’umugabane wa Afrika COMESA , SINDISO Ngenya,bateye umukono ku masezerano yemerera Uburundi kwakira inama igira 19 ya COMESA izobera mu Burundi kuva kw’igenekerezo rya 10 gushika kurya 19 Gitugutu 2017.

Igokorwa co gushira umukono kuri ayo masezerano cabaye kuri uno wa gatanu igenekerezo rya7 Mukakaro 2017 mu nyubakwa z’ubushikiranganji bw’ubudandaji,amahinguriro n’ingenzi,imbere y’abarongozi mu bushikiranganji bw’ubudandaji amahinguriro n’ingenzi.

Mw’ijambo ryiwe ahejeje gushira umukono kuri ayo masezerano,umushikiranganji w’ubudandaji,amahinguriro n’ingenzi Pelate NIYONKURU, yamenyesheje ko ayo masezerano afise akamaro kanini ku gihugu n’abarundi, kuko inama ibereye mu Burundi,igihugu kizohungukira amafaranga y’agaciro.

JPEG - 57.1 ko
Pelate NIYONKURU,Umushikiranganji w’ubudandaji

Pelate NIYONKURU,umushikiranganji w’ubudandaji,amahinguriro n’ingenzi yavuze ko ari n’iteka ku gihugu, kazoba kandi n’akaryo ku Burundi n’abarundi ku kurata ishusho nziza y’igihugu.

Yavuze ati :« Iyi nama ni igikorwa c’igihugu,ni ngirakamaro ku gihugu c’Uburundi n’abarundi bose muri rusangi. Igihugu kizokwinjiza amafaranga y’agaciro. Ni iteka ku gihugu, kandi tuzoronka akaryo ko kurata ishusho nziza y’igihugu. »

Mu bitegekanijwe kuba muri iyo nama ya COMESA harimwo,inama ihuza abashikiranganji b’ubudandaji bava mu bihugu bigize ishirahamwe COMESA,inama ihuza abarwizatunga bava mu bihugu vya COMESA,inama ihuza abashikiranganji b’imigenderanire b’ibihugu vya COMESA,iana ihuza abatambukanyi b’abakuru b’ibihugu vya COMESA, hamwe n’inama ihuza abakuru b’ibihugu bigize ishirahamwe COMESA.

Muri iyo nama kazoba ari n’akaryo ko kwemerera ibihugu vya Somaliya na Tuniziya kwinjira mw’ishirahamwe ry’isoko rusangi rihuza ibihugu vyo mu karere k’ubuseruko n’ako ubumanuko ku mugabane wa Afrika.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha