Umukuru w’igihugu yakoranije inama nshikiranganji ya mbere na Reta nshasha

Yanditswe na MUGISHA Van Naris

Kuya 25 avril 2018 saa 11:37

18915

0 0

Umukuru w’igihugu Petero NKURUNZIZA yakoranije inama nshikiranganji ya mbere ya Reta nshasha, kur’uno wa gatatu igenekerezo rya 25 Ndamukiza 2018. Ku rutonde rw’ivyigwa, harimwo intenguro y’itegeko nshikiranganji rigenga amafaranga azokoreshwa mu gice ca kabiri c’umwaka wa 2018.

Abashikiranganji 21 nibo bitavye inama nshikiranganji ya mbere, mu gihe yahora yitabwa n’abashikiranganji 20 Reta itarahinduka.

Abashikiranganji batanu bashasha nibo bitavye ibikorwa vy’inama nshikiranganji abo nabo akaba ari Ezechiel NIBIGIRA , umushikiranganji w’imigenderanire y’Uburundi n’ayandi makungu, Thadee NDIKUMANA, umushikiranganji w’amagara y’abantu, Gaspard BANYANKIMBONA ,umushikiranganji w’inyigisho za kaminuza n’ubushakashatsi, Jean Marie NIYOKINDI, na Evelyne BUTOYI aramutswa ubushikiranganji bw’urwaruka, amaposita n’ubuhinga bwa none bwo gutumatumanako amakuru.

Ibindi vyigwa, ni integuro y’itegeko rigenga amasoko y’imitahe mu Burundi, integuro y’itegeko rigenga uturusho ku bijanye no gutanga amakori kw’ishirahamwe Musumba Steel, hamwe n’utuntu n’utundi.