Umukuru w’inama nshingamateka yahaye umubonano umuyamabanga mukuru wa COMESA

Yanditswe na BUKURU Pacifique
Kuya 24 janvier 2018 saa 05:36
10530
0 0

Kuva kur’uyu wa gatatu igenekerezo rya 24 Nzero 2018, umunyamabanga mukuru wa COMESA ari mu rugendo mu Burundi. Intumbero nyamukuru y’urwo rugendo, akaba ari gushimira Inama Nshigamateka y’Uburundi yemeye kwakira inama ya COMESA izoba mu ntango z’ukwezi kwa kane.

Inyuma y’umubonano yahawe n’umukuru w’Inama Nshingamateka y’Uburundi Pascal NYABENDA,umunyamabanga mukuru wa COMESA Sindiso NGENYA yavuze ko yari aje gushima kuba inama nshingamateka yaremeye ko inama ya COMESA ibera mu nyubakwa zayo.akaba yahawe umubonano n’umukuru w’Inama nshingamateka y’Uburundi.

Sindiso NGENYA, umunyamabanga mukuru wa COMESA yavuze ko ari umunezero kuri we, kubona igihugu c’Uburundi atakwo kitagira kugira inama ya COMESA igiye kubera I Bujumbura izogende neza.

Umunyamabanga mukuru wa COMESA akaba yayeteye akamo abarundi bose gukora ibishoboka ,vyose kugira iyo nama izogende neza.

Ku ruhande rwiwe,umukuru w’inama nshingamateka y’Uburundi Pascal NYABENDA yavuze ko Uburundi bugiye kuhungukira cane.

« Hamwe abakuru b’ibihugu 19 bigize COMESA bose bokwitaba iyi nama, Uburundi bwohungukira cane.Bokwibonera ko Uburundi ari igihugu gitekanye.Tugiye gukora ibishoboka vyose kugira ngo iyo nama izogende neza. »

Inama ya COMESA ikaba itegekanijwe mu ntango z’ukwezi kwa kane.


Kumenyekanisha

1
vital irankunda 25-01-2018 à 22:45

Abarundi twese dukwiyekwamanuwomutima wokwitanga tukamatubakarorero keza mumakungu,murakoze

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha