Umukuru wa PARCEM avuga ko ikibanza cose coberamwo ibiganiro ataco bitwaye

Yanditswe na Vianney BIKORIMANA
Kuya 23 Munyonyo 2017 saa 01:05
9075
0 0

Umukuru w’ishiramwe ryishinje gukangurira abarundi guhindura ingendo n’ivyiyumviro PARCEM ashikiriza ko ikibanza icarico cose coberamwo ibiganiro, ahariho hose ataco bitwaye, ahubwo ko igikuru aruko ivyoba bivuye mu biganiro vyoshigwa mu ngiro.

Faustin NDIKUMANA arongoye ishirahamwe PARCEM ashikirije ivyo mu gihe bamwe mu banyeporitike b’abarundi, hamwe na Reta y’Uburundi, baheruka gusaba umwunganirizi w’umuhuza Benjamin William Mkapa gutahukana ibiganiro mu Burundi.

Faustin NDIKUMANA arongoye PARCEM avuga ko mu gihe hoba hageze ko ibiganiro bitahukanwa mu Burundi, ata kibazo vyotera, ariko ko igihambaye ari uko vyohurikiramwo bose, bikazana inyishu y’ibibazo, na cane cane ivyumvikanywe bigashirwa mu ngiro.

JPEG - 107 ko
Faustin NDIKUMANA, umukuru w’ishirahamwe PARCEM

Faustin NDIKUMANA amenyesha ko abavuga ko ibiganiro bitoshobora gutahukanwa ari abashaka gusamaza kugira ibibazo nyamukuru bihanze igihugu ntibizokwigwe, kuko kenshi mu vyibonekeza mu biganiro ari uko hageze ko higwa ibibazo nyamukuru ibiganiro bica bihagarara.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha