Umumenyeshamakuru wa Bonesha FM yarekuwe inyuma y’amasaha atanu ari mu gasho

Yanditswe na Egide NDUWIMANA
Kuya 2 Gitugutu 2017 saa 08:50
Yasomwe : 12645
0 0

Serges SINDAYIGAYA, umumenyeshamakuru wa Radio BONESHA FM mu ntara ya Makamba yamaze amasaha atanu mu gasho ka komine kuri uwu w’Imana. Yari yahagaritswe kw’itegeko rya Buramatari w’intara ya Makamba, yagirijwe ko abandanya gukora umwuga w’ukumenyesha amakuru mu gihe insamirizi BONESHA FM akorera yugawe.

Uwo mumenyeshamakuru yafashwe mu gihe yari agiye kuraba umugenzi wiwe apfungiwe aho mu ntara ya Makamba. Gad NIYUKURI, Buramatari w’iyo ntara akaba ariwe yategetse ko yofatwa yagirizwa ko yari ku kazi k’ukurondera amakuru kandi insamirizi akorera yarugaye.

Terefone ngendanwa yiwe yaciye ifatwa, ajanwa gupfungurwa, aho yamaze amasaha atanu mu gasho. Inyuma y’ayo masaha atanu, yararekuwe, na Terefone ngendanwa yiwe arayisubizwa.

Insamirizi BONESHA FM iri mu nsamirizi zitatu n’imboneshakure imwe zugawe burundu kuva kuri uwu wa kane, kw’itegeko ry’urwego CNC. Izo nsamirizi zitatu n’imboneshakure imwe zagirijwe ko zitatunganije ibibazo zifitaniye n’ubutungane. Izo nsamirizi zari zahawe amezi atatu y’ugutunganya ivyo bibazo. Izo nazo ni Radio Bonesha FM, Radio Publique Africaine, Radio Renaissance, hamwe na Télévision Renaissance.


Kumenyekanisha

1
Ntahondi fabiyano 3-10-2017 à 08:38

Turamuhaye misuhuko yi hangane cane, iyo dusazwe dutwarwa ni mburabwenge niko vyama bigenda.
Abarongoye ayo maradio yugawe nabo turabashimira kubukerebutsi nubwira bamanye, bwokutajana nyabahuru, na huburundi bwacu bwugarijwe numwiza buzoteba buce, abakora bazokore banezerewe, barimumutekane, atagutotezwa,ataguhorwa akazi wigeze gukora, ataguhorwa izuru wa hawe n’Imana,canke ubwoko bwawe.

2
BUSURAHENDE 2-10-2017 à 14:33

Buramatari wa Makamba, Gad Niyukuri, arongoye intara akongera akaba Procureur? Canke inkuru sinayitahuye neza.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha