Umumenyeshamakuru wa Radio Maria yarekuwe vy’agateganyo

Yanditswe na Egide NDUWIMANA
Kuya 6 juillet 2017 saa 07:05
Yasomwe : 9621
0 0

Joseph BANANENO, umumenyeshamakuru w’umufashabutumwa wa Radio Maria Burundi yahora apfungiwe mu gasho k’igiporisi kijejwe amatohoza mu gisagara ca Bujumbura, yarekuwe vy’agateganyo ku muhingamo wo kuri uwu wa kane, inyuma y’ukwumvirizwa na Sentare ya komine Mukaza. Uwo mumenyeshamakuru azobandanya kuburana yidegemvya.

Joseph BANANENO yari yafashwe ku munsi wa kabiri igenekerezo rya 4 Mukakaro 2017, umuvugizi w’igiporisi c’Uburundi, Petero NKURIKIYE akaba yari yamenyesheje ko uwo mumenyeshamakuru apfunzwe yagirizwa ivyo yavuze ku munsi w’Imana, mu giporisi bakamenyesha ko yagomvye guhungabanya umutekano w’igihugu.

Petero NKURIKIYE yari yagize ati : "Yagirizwa ko yagomvye guhungabanya umutekano akoresheje inkuru z’ibinyoma yariko arakwiragiza kuri Paruwasi yitiriwe Umweranda Augustin mu Buyenzi. Yavuze ko hari ukozi bw’ikibi bugira bube kandi atarivyo. Nivyo ariko arabazwako."

Inyuma y’ukwumvirizwa na Sentare ya Mukaza, ingingo yafashwe yabaye iy’uko uwo mumenyeshamakuru arekurwa.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha