Umurimyi Karori MBONANKIRA yatanze intererano y’amatora

Yanditswe na Egide NDUWIMANA
Kuya 7 Kigarama 2017 saa 02:41
Yasomwe : 33255
0 0

Umurimyi akaba n’umworozi wa Kijambere wo mu ntara ya Kayanza yatanze intererano y’amafaranga azokoreshwa mu matora yo mu mwaka w’2020. Karori MBONANKIRA avuga ko yitavye akamo k’umukuru w’igihugu c’Uburundi Petero NKURUNZIZA.

Intererano y’amafaranga ibihumbi amajana atanu vy’amarundi (500.000 Frs BU) niyo Karori MBONANKIRA yashize mu bubiko (Compte) bwagenewe abashaka guterera amatora buri muri Banki nkuru y’igihugu i Bujumbura. Uwo murimyi-mworozi atera akamo n’anadi barimyi guterera amatora uko bashoboye.

"Jewe ndi umwe mu barimyi-borozi, kandi murazi ko abarimyi turi benshi. Natwe abo benshi dukwiye gushigikira amatora nk’uko Kizigenza Nyenicubahiro umukuru w’igihugu yavuze ko umurundi wese yiyumva ko igihugu ari iciwe yoshigikira amatora kugira ntiturinde kuzera inze."

JPEG - 1.2 Mo
Umurimyi-mworozi Karori MBONANKIRA

Karori MBONANKIRA avuga ababishoboye boterera kuko amatora atabaye kugira hajeho inzego zitorewe n’Abarundi, ibintu vyose bica bipfa.

"Nta burimyi bubaho, nta bworozi bubaho, nta budandaji bubaho, nta mahinguriro abaho iyo ata matora abaye. Nkaba ntera akamo abandi barimyi ko nabo nyene uko Imana ibahaye ubushobozi ko boterera kugira twese dukore ico gikorwa."

Tubibutse ko mw’ijambo yashikirije umunsi Uburundi bwahimbaza imyaka 55 iheze bwikukiye, umukuru w’igihugu Petero NKURUNZIZA yabwiye Abarundi ko mu gushigikira amatora yo mu mwaka wa 2020, bararikiwe gutanga intererano zabo kuri konte inomero 1110/267 yuguruwe mw’ibanki nkuru y’igihugu.


Kumenyekanisha

1
mbonankira charles 8-12-2017 à 20:48

jewe maze imyaka hafi cumi ndumurimyi maze imyaka ine ntanga ibiganiro kumboneshakure nokumaradiyo nagiye mumafare atandukayejewe sinagomvye pibirisite ndayikorera kuri site wb kuri fcbuk kuri yutub ahubwo ndatahura akamaro kamatora kandi sindi mubazitoza harabibaza ko jewe nzitoza oya jewe ndumurimyi nitavye akamo ka NYENICUBAHIRO UMUKURU WIGIHU ugize amakenga raba site wb ucubonako mfise aho menyekanishiriza ivyo nko site wb/ www.cpsburundi.org

2
Busurahende 8-12-2017 à 13:17

@Nkeshimana: Agize uwa kangahe atanze iyo ntererano wewe wabikwirikiranye? Hari n’abarindiriye guterera bamaze kumenya aba Candidats, kandi si ukuvuga ko bayabuze. Abo ni cane cane abadakenyeye kuvuga ngo: "iyomenya..."

3
ruberintwari anaclet 8-12-2017 à 11:53

ni vyiza ko avyiyumvamwo

4
NKESHIMANA 8-12-2017 à 11:09

Arakoze cane kandi bamwe bavuga ngo ni publicité ni bateshwe bate numutima w’umwenegihu

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha