Umurwi w’abashingamateka batohoza ivyagirizwa Uburundi washizweho

Yanditswe na Egide NDUWIMANA
Kuya 1er Nyakanga 2017 saa 12:03
Yasomwe : 18873
0 0

Inama nshingamateka y’Uburundi yashizeho, nk’uko vyasabwe n’abashingamateka, umurwi ujejwe kwiga hamwe n’ugusuzuma ibivugwa mu cegeranyo ku Burundi c’inama ya ONU ijejwe agateka ka zina muntu. Uwo murwi ufise ikiringo c’amezi atatu, ukaba watanguye gukora kuva kuri uwu wa kane igenekerezo rya 31 Myandagaro 2017. Ibice 50 kw’ijana vy’abagize uwo murwi ni abashingamateka b’umugambwe uri ku butegetsi CNDD FDD.

Uwo murwi w’abashingamateka 12 b’Uburundi (Commission Spéciale de Vérification du Rapport de la Commission d’Enquete sur le Burundi) wahawe igikorwa c’ugusuzuma ko mu cegeranyo ca ONU mu bijanye n’agateka ka zina muntu mu Burundi harimwo ukuri, bige igituma impunzi z’Abarundi ziri zidahunguka. Inzego za Reta y’Uburundi, inzego z’abigenga hamwe n’amashirahamwe mpuzamakungu basabwa kworohereza abagize uwo murwi, abo nabo bagashobora gusaba ubufasha bw’umuhinga, yaba uwo mu gihugu c’Uburundi canke uwuvuye hanze mu gihe vyokenerwa.

Uwo murwi ufise ikiringo c’amezi atatu, ugashobora kwongerwa mu gihe wobisaba inama nshingamateka, imbere y’uko ikiringo cawo gihera. Icegeranyo c’ivyo uwo murwi uzoba washitseko kizoshikirizwa inama nshingamateka isanzwe ari nayo yashizeho uwo murwi ugizwe n’abashingamateka 6 ba CNDD FDD, bane bo mu runani rw’Abigenga Mizero y’Abarundi, umwe wo mu mugambwe UPRONA hamwe n’umwe wo mu bwoko bw’Abatwa.

Amazina y’abagize uwo murwi

NZIGAMASABO Reverien, CNDD FDD
NTIRANDEKURA Gaudence, AMIZERO
SUKUNOBA Vincent, Twa
MUHUNGU Jean Bosco, CNDD FDD
NIMENYA Gloriose, UPRONA
NTAKIYIRUTA Obed, AMIZERO
SINZINKAYO Jean Pierre, CNDD FDD
Asha Khalfan, AMIZERO
COYITUNGIYE Claver, AMIZERO
NDUWIMANA Deogratias, CNDD FDD
HABONIMANA Odette, CNDD FDD
BARANYIZIGIYE Jacqueline, CND FDD


Kumenyekanisha

1
Hicuburundi 4-09-2017 à 08:37

Hahahah ni bahere ku vyagiriji DD na Peter baregwa

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha