Umushikiranganji MANIRAKIZA yemeza ko igitoro ca "Essence" gihari

Yanditswe na Egide NDUWIMANA
Kuya 12 Nyakanga 2017 saa 12:10
Yasomwe : 7092
0 0

Ubushikiranganji bw’amasoko ntanganguvu bumenyesha ko ibiciro vy’igitoro co mu bwoko bwa "Essence" kitarahinduka. Mu gihe muri iyi minsi haboneka ubukene bw’ico gitoro, muri ubwo bushikiranganji bemeza ko ico gitoro gihari ku rugero rukwiye, bakagabisha aboshaka kukidandaza kuri magendu canke ku biciro bitazwi.

Iminsi itanu iraheze hibonekeza imirongo ahadandarizwa igitoro. Abakoresha imiduga y’ukwunguruza abantu n’ibintu bavuga ko igitoro casubiriye gukena, bakaba bakironka bigoranye, canke bakakigura amafaranga y’umurengera.

Mu bushikiranganji bw’amasoko ntanganguvu bamenyesha ko ku vyegeranyo bafise, biboneka ko igitoro co mu bwoko bwa "Essence" gihari ku rugero rukwiye mu gihugu cose. Mw’itangazo ryasohowe n’ubwo bushikiranganji bavuga ko bitumvikana icotera ubwo bukene.

JPEG - 69.2 ko
Come MANIRAKIZA, umushikiranganji ajejwe amasoko ntanganguvu

Ubwo bushikiranganji busaba abajejwe intwaro hamwe n’abajejwe umutekano gukora ibishoboka vyose kugira ibiciro vyashinzwe vyubahirizwe, abofatwa badandaza kuri magendu nabo babihanirwe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha