Urwego CNC rwahagaritse ibihano vyari vyafatiwe umumenyeshamakuru Egide NDUWIMANA

Yanditswe na BIKORIMANA Vianney
Kuya 24 février 2018 saa 08:51
20760
0 0

Umumenyeshamakuru w’ikinyakuru IGIHE Egide NDUWIMANA yakuweko ibihano yari yafatiwe n’urwego rujejwe kugenzura no gucungera ibimenyeshamakuru mu Burundi CNC (Conseil National de la communication), inyuma y’ukwezi kwari guheze adakora umwuga wo kumenyesha amakuru.

Aimée DIVINE NIYOKWIZIGIRWA icegera akongera n’umuvugizi w’urwego CNC mu kiganiro yahaye abamenyeshakuru ku wa gatanu igenekerezo rya 23 Ruhuhuma 2018, yamenyesheje ko urwego CNC ruhejeje kwihweza ivyashikirijwe n’ikinyamakuru IGIHE aho casaba ko umumenyeshamakuru warwo Egide NDUWIMANA atezurirwa, rwaciye rufata ingingo yo gutezurira uwo mumenyeshamakuru.

JPEG - 38.2 ko
Aimée DIVINE NIYOKWIZIGIRWA ,icegera c’umukuru wa CNC akaba n’umuvugizi wa CNC

Icegera c’uwurongoye urwego CNC akaba n’umuvugizi warwo, amenyesha ko ikinyamakuru IGIHE cemeye ko kigiye kuzokora hisunzwe amategeko y’igihugu c’Uburundi.

Umumenyeshamakuru Egide NDUIMANA avuga ko ashima kubona yatezuriwe ibihano yari yahawe, nk’uko n’igihe yafatirwa ibihano yemeye aho intahe ishize.

Egide NDUWIMANA avuga ko azobandanya akora umwuga wiwe neza kandi yubahiriza akarangamutima ko kumenyeshamakuru.

JPEG - 14.5 ko
Egide NDUWIMANA,Umuyobozi w’uruganda rwo kumenyesha amakuru, mu kinyamakuru IGIHE

Egide NUWIMANA yari yahagaritswe mu kiringo c’amezi 3 kuva kw’igenekerezo rya 26 Kigarama 2017, bivuye ku nkuru yari yatanze urwego CNC ruvugako itari ikwije canke yahonyanga amategeko y’igihugu c’Uburundi.


Kumenyekanisha

1
Nyamitima Wiliam 25-02-2018 à 20:50

Asha Muragowe Pe.Ahumumenyeshamakuru Ategerezwa Kwandik Inkuru Inezereza Leta.Ntahobitaniye Navyabihe Vyaba Buyoya Na Bagaza.Nicogituma Wokwibaza Kwibintu Bimezeneza Kuberatamakuru Nyakuri Tutakiyaronka.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha