"Zeid Ra’ad Al Hussein ntazi aho Uburundi bugeze" - Gaston SINDIMWO

Yanditswe na Egide NDUWIMANA
Kuya 27 Ruhuhuma 2018 saa 01:16
Yasomwe :
0 0

Reta y’Uburundi imenyesha ko ivyashikirijwe na Zeid Ra’ad Al Hussein, intumwa idasanzwe ya ONU mu bijanye n’agateka ka zina muntu vyerekana ko iyo ntumwa itazi aho Uburundi bugeze mu bijanye n’ukwubahiriza agateka ka zina muntu hamwe n’ugukomeza umutekano. Aho ni mu gihe kuri uwu wa mbere, mu nama igira iya 37 ya ONU mu bijanye n’agateka ka zina muntu, inama yabereye i Genève mu gihugu ca Suisse, Zeid Ra’ad Al Hussein yagereranije Uburundi n’amacuniro y’abantu (abattoirs d’êtres humains).

Mu kiganiro yahaye abamenyeshamakuru kuri uwu wa kabiri, Gaston SINDIMWO, icegera ca mbere c’umukuru w’igihugu c’Uburundi, yamenyesheje ko ritabaye irya mbere uwo Zeid Ra’ad Al Hussein ashikirije amajambo aca ivutu Abarundi, akamwagiriza ko akoreshwa n’ishirahamwe mpuzamakungu ONU mu migambi itari iy’ineza y’Abarundi.

"Kuva mu 2012 avuga ihonyabwoko mu Burundi, avuga ko Abarundi bariko baramarana. Uwo ari muri ba bakozi b’ishirahamwe mpuzamakungu ONU bafise umugambi ku Burundi utajanye n’ineza y’Abarundi. Zeid Ra’ad Al Hussein ariko arasigwa, ntazi aho Uburundi bugeze."

JPEG - 56.5 ko
Gaston SINDIMWO, icegera ca mbere c’umukuru w’igihugu c’Uburundi

Gaston SINDIMWO, icegera ca mbere c’umukuru w’igihugu avuga ko kubona Zeid Ra’ad Al Hussein yavuze ko Uburundi ari amacuniro y’abantu ari urukurikirane rw’amajambo aturira, agamije gutera ubwoba abandi.

"Amajambo nk’ayo akoreshwa kugira atere ubwoba abandi. Ibihe tuvuyemwo bizoha icigwa Abarundi hamwe n’abanyamahanga, n’amashirahamwe mpuzamakungu, kuko ivyo bari biteze ku Burundi sivyo babonye. Zeid Ra’ad Al Hussein ntazi aho Uburundi bugeze mu bijanye n’amahoro n’umutekano. Uwukunda umwana gusumba nyina aba ashaka kumurya. Si Zeid Ra’ad Al Hussein yokunda Abarundi gusumba Abarundi ubwabo."

Gaston SINDIMWO yemeza ko Uburundi burangwa n’amahoro n’umutekano, kandi ko uwukoze icaha agihanirwa ku gatwe kiwe.


Kumenyekanisha

1
Mob 2-03-2018 à 13:09

Mu Burundi hari honnya bwoko bwabatutsi,nyamuneka amahanga nahaguruke

2
Jewe 1er-03-2018 à 15:49

hahahaha ubundi se bugeze he? amenyo ni amabuye. hahahah

3
NSHIMIRIMANA BOSCO 27-02-2018 à 20:13

KOMERA.MUTAMA UKUNDA IGIHUGU CAWE ICOGUSIMIRA UTANGA UMUCO UTARAVYE ICURI OK UZIGAMWE

4
kankindi 27-02-2018 à 17:21

nikuki nandika iciyumviro makakirogeta

5
GOGORI 27-02-2018 à 16:46

Zeid Ra’ad Al Hussein biraboneka ko yariye igiturire c’Aba biligi. Uravye amajambo yashikirije ku Burundi ingene arimwo ukurenza urugero caaane biboneka ko hari ico ariko yishura. Ibi ndabivuze nisunze amajambo aherutse gushikiriza ku gihugu cacu ukuntu akomeye akaca ubona ko abigira nkana kuko iyo aza kuba uwundi ntayari kuvuga u Burundi gusumvya Génocide iriko ibera Bangladesh ku ba Rohinja, amajana y’abantu yirirwa apfira muri mer méditeranée baja i Buraya kandi biteye amakenga, abantu birirwa baricirwa muri America buri musi,......

6
Anonyme 27-02-2018 à 13:43

Umwana ntibamurya"baramutwara"
Ukunda umwana kurusha nyina aba agomba kumumutwara

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha