Advertisement
Kumenyekanisha
  IGIHE.bi \BB Amakuru \BB u Burundi
Ababuranira Petero NKURUNZIZA bitwaye muri sentare i Paris
Yanditswe taliki ya 16-03-2016 - isaha 14:54' na IGIHE

Abashingwamanza b’umukuru w’igihugu w’Uburundi Petero NKURUNZIZA baritwaye muri sentare nkuru y’i Paris, bakaba basavye ko hokurikiranwa mu butungane uwo bitwariye batazi, ariko bagiriza ko yatukanye ku mugaragaro (Plainte contre X pour diffamation publique).

Ukwo kwitura ubutungane kwatewe n’amasanamu (vidéos) yerekanwe mu makuru y’imboneshakure France 3 kw’igenekerezo rya 13 Nzero 2016 , akaba yerekana abantu bariko baricwa bacumitwa imbugita, bongera bacagagurwa ibice bimwe bimwe vy’umubiri harimwo n’ibihimba vy’irondoka.

Muri ayo masanamu, bavuga ko ari ubwicanyi bwakorewe abatavuga rumwe n’ubutegetsi mu Burundi, mu ntara ya Karusi, bicirwa mu kibanza cegukira umugambwe uri ku butegetsi CNDD FDD, usanzwe ariwo ukomokamwo umukuru w’igihugu Petero NKURUNZIZA. Inyuma y’iminsi ibiri gusa ayo masanamu yerekanwe, iyo mboneshakure France 3 yasanze ayo masanamu ari aya kera, kandi akaba atari ayo mu Burundi. Abarongoye iyo mboneshakure baciye basaba imbabazi, bamenyesha ko batawe mu mutego. Ivyigaragaje akaba ari uko ayo masanamu yari amaze kwerekanwa, mbere n’ururimi abariko bica abantu bavuga rukaba rutari ikirundi.
Francis Letellier wo ku Mboneshakure France 3 yavuze ko biboneka ko ayo mashusho ari aya kera, kandi ko yoba yafatiwe mu gice c’umugabane wa Afrika y’uburengero. Yasavye abakurikirana iyo Mboneshakure kubagirira imbabazi.

Abashingwamanza b’umukuru w’igihugu Petero NKURUNZIZA bakaba bashimye kwitura ubutungane.

Umushingwamanza Arthur Vercken, umwe mu baburanira umukuru w’igihugu Petero NKURUNZIZA yamenyesheje ko uwobibazwa ubwa mbere ari umushingwamanza w’Umubirigi Bernard Maingain, kuko ariwe Arthur Vercken yagiriza ko yatanze ayo masanamu ku mboneshakure France 3.

Tubibutse ko inyuma y’iyerekanwa ry’ayo masanamu, abanyagihugu bo mu ntara ya Karusi baciye bategura imyiyerekano bari kumwe n’indongozi mu ntwaro, biyamiriza ayo masanamu bavuga ko yacapfuje intara yabo.

Ivyiyumviro vyanyu

NUBWENGE BUKE BWABARONDERA GUTEMBAGAZA LETA BAHAYE AMAHERA ABAKWIRIKILA ICO CUMA GIFOTORA

21.03.2016 à 16:39
KAGOMA

Mbebasha kobitimbere cane ? niko ni mba vyaravuzwe kwaribo babishe ataribo none unomusi ntabantu bariko baragandagurwa bunyamaswa bahorwa aho baturuka ? ni barindire igihe kizoshika.

20.03.2016 à 05:56
Morodikayi Jon

bari baratevye nimudutohoreze ibintu vyose amakungu yagiye atwagiriza atarivyo mpaka ababigiramwo uruhara mukutwambika iceyi bahanwe

19.03.2016 à 22:13
cheg

NAJEWE BIRANTANGAJE !!

18.03.2016 à 23:34
MIXIMIXI

bivuye kubanyarwanda bigiye kumadini hanyuma East Africa community na nations unies na amerika none bigeze mubufaransa finalement ibibazo byurundi bituruka hensi hasigaye Mkapa ariko nawe azabimenya tu !

18.03.2016 à 21:42
dis donc

Abobobo Bararengukishijwe Sivyo Abahonyanze Amasezerano Ya Arusha Batarengukishijwe

18.03.2016 à 20:17
Simbizi

reka ababeshi babahashe

18.03.2016 à 19:40
tinture

REKA KUNSETSA.

18.03.2016 à 15:06
SOUGYMETRE

Ibirego nkivyo bihabwa agaciro iyo vyatanzwe na reta yemewe namategeko,canke umusi umucamanza yahamagaje Nkurunziza i Paris kuburana azitaba ??!!! Umwicanyi naho yokwitwara ntashobora kwitaba ubutungane.umuntu atacitabira inama nimwe ibereye mu karere arimwo ngo agiye kwitwara i Paris !!!

18.03.2016 à 07:10
bacemwo

Ariko abarundi nta mutima bagira, nta nisoni yo kuvuga ngo ntibishe ? ahubwo nibakomeza na Peter arafatwa ajye imbere y’urukiko kuko nawe numwicanyi kandi si ubwambere akatirwa urwo gupfa.

17.03.2016 à 16:32
MUVUNYI

Jewe nkunze iyo diplomate ibikwamo ama documents ya son EXCELLENCE. lol

17.03.2016 à 14:50
Denver

Ukuri guca muziko ntigusha imisi yu musuma iraharuwe ! nta nisoni zoguharira mugira aho murazi Ibibondo na Bavyeyi mwishe ugwo rupfu rutagira izina gwa gashinyaguro ! Erega hariho nibiteye isoni batavuze mugirira Abantu. Nimureke guhuma amaso abantu ivyanyu birazwi iyo muva murubahuka gusa !! mugabo mumenye ko Imana atanakimwe itabona Imana ihora ihoze !!

17.03.2016 à 14:24
Ngendakuriyo

Bagize Neza Kwitwara Nibagende Babereke Amasanamu Yukuri Kuko Arahari Bazobereka IKURAKURE Darius Ariko Arakerera Umuntu Nkimpene !!! Emwe Amenyo Aragutwenga Arayawe Nukuri Kw’IMANA !!!!

17.03.2016 à 14:15
Bona

Bagize Neza Kwitwara Nibagende Babereke Amasanamu Yukuri Kuko Arahari Bazobereka IKURAKURE Darius Ariko Arakerera Umuntu Nkimpene !!! Emwe Amenyo Aragutwenga Arayawe Nukuri Kw’IMANA !!!!

17.03.2016 à 14:13
Bona

Ariko mukunda kuba abere, Tuvuge ko ibyo berekanye ataribyo wakoze , ariko se niba warakoze ibisa nabyo ubwo butungane ntibuzahava bugutunganya noneho. Njye ndi umujyanama wawe nakubwira ngo bireke, kuko ubu igikenewe si icyo Kwera ahubwo ni ugukora neza kugirango abidakeye bijye kumurongo muzima. Naho ubundi niwiterereza ubutabera bwa biriya bihugu birashobora kukumesa ugacyada da ! Nzaba ndareba numwana w’umunyarwanda wo mumajaruguru.

17.03.2016 à 10:06
RWABUKUMBA

NTA HONYABWOKO RYABEREYE MU BURUNDI.DUTANDUKANYE UBURUNDI N’URWANDA.

16.03.2016 à 20:01
NDAYIRAGIJE WILLERME

nabe arasesagura amahera yigihugu yabuze iyo ashira.

16.03.2016 à 19:13
roza kamikazi

ABANTU BISHWE MU MWAKA W’1972-1972 BANGANA IMILIONI3,ARIKO NUBU NTAMATOHOZA !GWAGASORE,NDADAYE BISHWE NKA GAHENE ARABA PRESIDENT,NON NUBU NGO AMAKUDETA ABARUNDI TURAKWIYE KUMENYERA GUKUND IGIHUGU CACU !

16.03.2016 à 18:21
NAHIMANA

None lo bariko baritwara, ha bomba kuvugana ayomabi batirirwa bayakora izuba ryaka ? Noneho ntibazi nuevo bitwarira, kuko nuwo munguin avurwa ntakorera france3, Kandi ni umubiligi.

16.03.2016 à 17:53
Nduwimana pierre-claver

Abavuga ko ubwicanyi nkubwo bwabaye mu Burundi ntibabesha : hari abaciye imitwe batowe ku Mutakura, hamwe na fosses communes ku Mutakura.

16.03.2016 à 17:29
Ferdinand
1 | 2

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.