Abantu indwi bafashwe bagirizwa urudandazwa rw’Abarundikazi

Yanditswe na IGIHE
Kuya 20 Ruheshi 2016 saa 08:20
Yasomwe : 54378
0 0

Amatohoza yakozwe n’igiporisi c’Uburundi ku bijanye n’urudandazwa rw’abantu yerekanye abigeme n’abakenyezi 267 aribo bamaze kujanywa hanze biciye mu nzira z’urudandazwa rw’abantu. Abantu indwi bagirizwa urwo rudandazwa bakaba bari mu minwe y’igiporisi.
Igiporisi c’Uburundi cerekanye kuri uwu w’Imana bamwe mu bagirizwa urwo rudandazwa, kiranashira ahabona amashirahamwe yo mu Burundi n’ayo hanze akorera hamwe muri urwo rudandazwa.
Nk’uko vyashikirijwe na OP1 Pierre NKURIKIYE umuvugizi w’igiporisi (...)

Amatohoza yakozwe n’igiporisi c’Uburundi ku bijanye n’urudandazwa rw’abantu yerekanye abigeme n’abakenyezi 267 aribo bamaze kujanywa hanze biciye mu nzira z’urudandazwa rw’abantu. Abantu indwi bagirizwa urwo rudandazwa bakaba bari mu minwe y’igiporisi.

Igiporisi c’Uburundi cerekanye kuri uwu w’Imana bamwe mu bagirizwa urwo rudandazwa, kiranashira ahabona amashirahamwe yo mu Burundi n’ayo hanze akorera hamwe muri urwo rudandazwa.

Nk’uko vyashikirijwe na OP1 Pierre NKURIKIYE umuvugizi w’igiporisi c’Uburundi, inyuma y’ayo matohoza hafashwe abantu indwi bagizwe n’Abarundi batatu hamwe n’abanya Kenya bane, hamwe n’amashirahamwe 11 akora urwo rudandazwa. Muri ayo mashirahamwe, ane akaba ari ayo mu Burundi, ane yo muri Arabie Saoudite, amashirahamwe abiri yo muri Oman hamwe n’ishirahamwe rimwe ryo muri Kenya.

JPEG - 95.5 ko
OP1 Pierre NKURIKIYE, umuvugizi w’igiporisi c’Uburundi

Uwo avugira igiporisi ashikiriza ko ayo mashirahamwe amaze kujana hanze abakenyezi n’abigeme bagera ku 267, kuva mu kwezi kwa kane gushika itariki cumi n’imwe z’ukwezi kwa gatandatu.

Mu mashirahamwe akorera mu Burundi, iryitwa, Royal Services rirongowe n’uwitwa NIYONKURU Ali, niryo biboneka ko ryarungitse hanze y’igihugu abigeme n’abakenyezi b’Abarundikazi benshi, nk’uko amakuru atangwa n’igiporisi abishikiriza. Mu bushikiranganji bw’intwaro yo hagati mu gihugu bakaba bavuga ko iryo shirahamwe ritemewe n’amategeko.

Umuvugizi w’igiporisi akamenyesha ko amatohoza abandanya, akavuga kandi ko abafashwe bafatanwe impapuro z’inzira zigera kuri 19 z’abandi bigeme bagira barungike, kenshi bakaba badakwije imyaka yo gushobora kurungikwa hanze, OP1 Pierre NKURIKIYE akavuga ko abo bigeme barondererwa ivyangombwa vya magendu vyerekana ko bakwije iyo myaka.


Kumenyekanisha

1
MUGISHA EVARISTE 13-04-2017 à 21:20

JEWE MBONA MUKUJA GUPAGASA BOBIMENYESHA INZEGO ZIBIJEJWE

2
BOSCO 27-06-2016 à 09:24

AMAKURU YINKINO

3
Jeanine 25-06-2016 à 20:09

Nabo barabonye ko muburundi ko dukenye ubu bageze kugwego go gushora abantu nibatuze izo nkozi zikibi

4
Dieudonne 24-06-2016 à 19:30

Emwe Uburundia Bwabaye Nabi?Urudandaza Rwabagore?Mana Garukira Uburundi Ni Diuedonne

5
MINANI,ALOYS 24-06-2016 à 19:15

ABANTUNIBABUMBWENIVYOBAHAWENIMANA

6
Wilson 23-06-2016 à 20:22

Isi igeze habi

7
Leonard Ndayiragije 23-06-2016 à 19:54

ni barwanye izo nkorakibi

8
Silvain 22-06-2016 à 16:34

Amanyanga azobaherana.
uwicisha inkota niyo izomuheza.

imana ihora ihoze.

9
Niyonkuru Joel 22-06-2016 à 13:59

Kare Havugwa Urudandazw Rwa Nyamwema,! Bigeze Ku Bavyey Na Bashiki Bacu!! Ko, Ibije Bishikira Ubund Na Babwo? Mana We Gira Utugarukire ,

10
ukuri 22-06-2016 à 10:32

amanyanga bagenzi!

11
mzoyihera intagoheka 22-06-2016 à 08:08

Ubwo bubeshi bwanyu buzobageza kure, mbega iryo shirahamwe rivurwa ridakwije amategeko, ukwamashirahamwe atagura turakuzi, ntashirahamwe rikora mugihugu ritazwi nu bushikiranganji bwitwaro yo hagati mugihugu, ntigishoboka, nimuhende abobana. Turabizi yuko mubategetsi bakuru bakuru bomurwego rwohejuru ko babifisemwo uruhara rwo kudandaza abagore nabigeme. ntavyishi mvuze ariko ivyanyu vyaramenyekanye, nimusonze mwireme

12
Elvis-Mapoz 22-06-2016 à 05:35

Ni batuze ako kagwi!

13
Elvis-Mapoz 22-06-2016 à 05:32

Ni batuze ako kagwi!

14
umuhire sandrine 21-06-2016 à 06:58

none umuntu araheza kwiga agaca abura akazi ukicara ukaba mayibobo none naho twisunikiraga muri ville batwirutseko nibatwijanire tujende gukora ubumaraya ndabona ivyiburundi aramayobera ndibabace intege twatanguye urugendo omn hari inoti njewe uwanjanayo kabisa muburundi vyatuyobeye yemwe barundikazi kaza mwendo

15
kizigena 20-06-2016 à 23:18

@tari (umurwayi wo kwa le gentil). Ubwo nturanywa imiti yabasazi niyo mpamvu uvuga ibitabapfu.

16
Matata 20-06-2016 à 23:00

TARI YARAPARANGANYE.NONE NABO BAMENJA BADUTWARA ABANA NABAGORE BACU ARABASHIGIKIYE?BOBANZA BAKAMVWARA UWIWE NIHO YOSUBIRA KUVUGA NABI NKURIKIYE,

17
FELIX MUHIRE 20-06-2016 à 21:41

Uwu muntu yitwa Peace ashobora kuba avuga ibisunitswe n’umuyaga. None ako kazi, kabuze abagore n’abakobwa gusa. Kuki ata musore bajana canke abagabo bubatse? Wewe ushaka ukuntu ugengetereza ngo uvuge nabi ubutegetsi, ariko biraboneka ko urwo rudandazwa rufise iyindi ntumbero.

18
karije 20-06-2016 à 17:32

umugore wanj yaragiye yantanye abana babiri ariko ntakundi hariya usa nuwuba agiye mukuzimu

19
Peace 20-06-2016 à 14:50

Ntawobideha Ivyo biva kwikena Ryakazi muburundi iyokabonetse naho umuntu Ntamenye iyogatangirwa

20
MARC MANIRAKIZA 20-06-2016 à 14:29

JEWE MBONA BARI BAKWIYE GUHANA UBWO BUKOZI BW’IKIBI. NI KABIRI NA RIMWE BAKADANDAZA ABO BAVYAYE.

1 | 2

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha