Abarundikazi batatu bikekwa ko bagiye gucuruzwa bafatiwe mu Rwanda

Yanditswe na IGIHE
Kuya 25 Mukakaro 2016 saa 10:57
Yasomwe : 69993
0 0

Igiporisi c’Urwanda cerekanye Abarundikazi batatu bafatiwe ku rubibe ruhuza Urwanda n’Uburundi, abo bafashwe bakaba bikekwa ko bari bajanwe kudandazwa muri Arabia Saudite.
Abo bagore bafashwe kuri uwu wa gatandatu, bakavuga ko bari babwiwe ko baronkewe akazi muri Arabia Saudite, bongera barondererwa ivyangombwa vyose vy’inzira.
Aba bafashwe bavuga ko babitewe n’ubukene bari babayemwo mu Burundi, ari naco gituma bavuga ko bari bagiye kurondera ubuzima, inyuma y’aho baburijwe akazi bakora, aho (...)

Igiporisi c’Urwanda cerekanye Abarundikazi batatu bafatiwe ku rubibe ruhuza Urwanda n’Uburundi, abo bafashwe bakaba bikekwa ko bari bajanwe kudandazwa muri Arabia Saudite.

Abo bagore bafashwe kuri uwu wa gatandatu, bakavuga ko bari babwiwe ko baronkewe akazi muri Arabia Saudite, bongera barondererwa ivyangombwa vyose vy’inzira.

Aba bafashwe bavuga ko babitewe n’ubukene bari babayemwo mu Burundi, ari naco gituma bavuga ko bari bagiye kurondera ubuzima, inyuma y’aho baburijwe akazi bakora, aho bakavuga ko bahora batembereza ibadandazwa mu gisagara ca Bujumbura, igiporisi kikaba giheruka kubirukana mu bibanza bakoreramwo.

JPEG - 71.1 ko
Abarundikazi batatu bafatiwe mu mupaka uhuza Urwanda n’Uburundi, bakaba bikekwa ko bari bajanwe kudandazwa muri Arabia Saudite

Abo bagore bavuga ko babwiwe ko baronkewe akazi, baca bibwira ko bagiye gutangura ubuzima bwiza, kuko bari babwiwe ko mu kazi baronse bazohora bahembwa ibihumbi amajana atanu vy’amarundi ku kwezi.

Mu nzira bari gufata kugira bashikanwe muri Arabia Saoudite, abo bagore babwiwe ko bazobanza guca mu Rwanda bagahura n’umuntu abajana baciye muri Uganda, bakerekeza muri Kenya, ari naho bari gufatira indege berekeza muri Arabia Saudite.

N’aho bari bafise impapuro z’inzira zanditseko ko bagiye muri Arabia Saudite, bageze ku rubibe Urwanda ruhana n’Uburundi (Ku Kanyaru) bavuze ko bagiye i Dubai kurangura ibicuruzwa, ariko inzego zijejwe kugenzura abinjira n’abasohoka mu Rwanda zirabikeka inyuma yo gusuzuma ivyangombwa vyabo.

Mu nyuma igiporisi c’Urwanda cabandanije kubabaza ibibazo, bahava bahindura bavuga ko bagiye mu Rwanda, kandi ubwa mbere bari bavuze ko bagiye i Dubai.

Umunyakenya yari kumwe nabo ku ruhande, yitwa Macharia Asman Wachira, ari nawe yategerezwa kubajana, yaciye atangura kubafasha kwisigura, abandikira agapapuro, abasaba kuvuga ko bagiye muri Uganda mu kazi, ariko babanza guca ku muntu ari mu Rwanda akabajanayo.

Ayo mayeri ntiyaborohereje, kuko yaba uwavuze ko agiye mu Rwanda bamubajije agace agiyemwo abura na hamwe yovuga, kuko aribwo bwa mbere yari agihonyoza ikirenge ku butaka bw’Urwanda, atazi n’agace kamwe kagize ico gihugu.

Uwo munyakenya Macharia Asman Wachira amaze kumenyekana ko ariwe ari kumwe nabo, nawe yaciye atabwa muri yompi, ariko yiregura avuga ko afise ishirahamwe (Firdaus Agency) rifasha abantu kurondera akazi hamwe na "Visa" muri Arabia Saudite, akavuga ko yari agiye mu Burundi kuraba uburyo ishirahamwe ryiwe ryokorera muri ico gihugu mu gufasha abakeneye kuja gukorera mu mahanga, akavuga ko iryo shirahamwe arongoye ryemewe n’amategeko.

JPEG - 78.7 ko
Macharia Asman Wachira avuga ko afise ishirahamwe (Firdaus Agency) rifasha abantu kurondera akazi hamwe na "Visa" muri Arabia Saudite

Yisiguye agira ati : "Abagore muriko muvuga bariko bagenda ariko batazi iyo bagiye. Ikindi, iyo uja gucuruza umuntu utegerezwa kuba umuzi, nawe akuzi. Ariko jewe sindabazi nabo ntibanzi, nta n’aho twahuriye. Ni gute wombwira ko hari aho mpuriye n’aba bagore?"

Yamara abo bagore bavuze ko ariwe yababwiye ivyo bavuga, ndetse bakavuga ko ari nawe yabaguriye n’ivyo bafungura, nk’uko bari babisezeranijwe.

Umuvugizi w’igiporisi c’Urwanda, ACP Celestin Twahirwa, amenyesha ko uwo munyakenya akibazwa ubwa mbere yabanje kwemera ko ari abantu ajanye muri Kenya, kuko afise ishirahamwe rironderera akazi abantu muri Arabia Saudite.

ACP Twahirwa yasobanuye ko ingingo zikomeye zafashwe ku buryo kugira umuntu ajabutse umupaka ava mu Rwanda aja mu kindi gihugu biba bisaba ko harabwa namba agiye vyemewe n’amategeko, akavuga ko uwoshaka kubikorera mu Rwanda canke uwushaka gukoresha Urwanda nk’inzira z’abajanwa mu bikorwa bitemewe n’amategeko bitazomworohera.

JPEG - 56.5 ko
ACP Celestin Twahirwa, umuvugizi w’igiporisi c’Urwanda

Abo barundikazi uko ari batatu n’Umunyakenya umwe bari mu minwe y’igiporisi c’Urwanda, muri ico giporisi bakavuga ko bazosubizwa iwabo [abagore], ariko imbere y’ukurungika uwo munyakenya iwabo, igiporisi c’Urwanda kikazobanza gukorana n’ica Kenya gukira babanze basuzume namba vy’ukuri iryo shirahamwe Firdaus Agency rirongowe na Macharia Asman Wachira ribaho, kandi ko ryemewe n’amategeko.


Kumenyekanisha

1
DEUS 8-08-2016 à 07:58

KUBERA IKIBURUNDI BATOBAFATANTAGIPORISI BARABAMPANDABIRONGORERE NIBEZA

2
Burundi 31-07-2016 à 16:18

URwanda rurakoze ubona gwotanga abashatse guhirika ubutegetsi vyoba arivyiza cane bifise umu maro.

3
Gorodien 30-07-2016 à 22:02

Iporisi Turagishimiye Nibamuhashe Uwomugabo Navuge Nabandi Babafate Ntabihano Mufise Ngomubanze Kumuhana Konibindi Avyemera.

4
Bosco Nsengiyumv 28-07-2016 à 23:22

Jew.Kubwanje.Niyumvira.Koboba.Bari.Bagiye Mukazi Ko Kugurisha Umubiri Ahubwo Bari Bakwiye Kubazwa Inyanduruko Yivyo Bintu

5
moi 27-07-2016 à 23:34

urwanda rwakoze kubafata. ese bofata abashatse gukubita coup d’Etat i burundi nabari mumyimenyerezo ya gisirikare ngo bazotere uburundi tutibagiye nabamaze imisi bahekura abarundi bahungiye murwanda!!! uburundi n’urwanda boca basubira kurabana ryiza. Abo bafashwe ntibihutirwa caaane gusumba

6
cc wn 27-07-2016 à 15:35

Nguri nzoyiyera? Uragahera mumaguru kwa nyko wa mujeriwe musigaranye intambara zururimi ariko murindire nago tuzoruca musigare mugogomba twebwe aba zoulu ntimuratumenya cumama yako.

7
Lili 27-07-2016 à 13:37

Ubu bucurizi.bukorwa na DMI . Baratibeshya ngo babafashe gusa ubu kagame yacurije nka 60 uyu munsi.

8
mzoyihera intagoheka 27-07-2016 à 02:20

Rwanda komera. shimiye igi porice cu rwanda igikorwa bakoze coguhagarika abo bagore ntibarengane, mukomere kurungamba rwanyu kuko nubu umugambi wa Nkurunziza wokudandaza abagore nabigeme urabandanya, none nikuki atodandaza umugore wiwe Deniza? abura gutegura imigambi rwabahereze akazi nukubamarira mumahanga kubwinyungu ziwe! nararavye ndabona kabisa,uwuzoba akiriho azocumugani.

9
fata 26-07-2016 à 12:16

Dd

10
71328997 26-07-2016 à 10:09

niyomwungere dismas

11
Aferky 26-07-2016 à 09:48

Egome wosanga iyo company yuwo munyakenya ikorana naba DD

12
Stone_kenny 26-07-2016 à 07:55

Eg iyongingo ije hageze ubundi Urwanda nu Burundi carigihugu kimwe nubu nikimenyamenya tuvuga ururimi rumwe.ntampanvuzotuma twisamburirako!

13
###### 25-07-2016 à 21:21

abobagore,nibazendabahe akazi kukosinokabura, nayoivyokubafa,baribivye,nde?

14
musase issa 25-07-2016 à 21:08

abobagore kobabereye,cane nibaze ndabahe,akazi jewe ndabagire incoreke kandindafise akazi kobakwira,jewe mba mucankuzo,comine gisagara.zone camazi colline bumba.

15
NDUWAYO 25-07-2016 à 19:38

NIBABAREKE BAGENDE KWIRONDERERA ABAGABO ABO NABAMARAYA

16
Ariane Fils 25-07-2016 à 19:35

Neza cane.Ngiyo Police izi akazi ikora.Apana vya binyabari biraho bijejwe kwica abo bokingiye!Komerezaho muje muraturabira bashiki bacu baherey muri Arabie na Oman guhonerayo kubera reta mbi igurisha abanyagihugu bayo.

17
Lili 25-07-2016 à 16:21

Police yu rwanda iraruhira ubusa kuko ntabwo igulishwa ryabantu iburundi ali ikibazo ntabwo ..nabayobozi abahaye akantu bagupangira abo washaka bose..bakabona ayo guhemba abakozi ba leta.

18
RUKERANDANGA JEAN CLAUDE 25-07-2016 à 13:28

NDASHIMIRA RETA YU RWANDA YIYEMEJE GUFASH’ABARUNDI.MUGIHE RETA YIBUJUMBURA,YAKOMEJE KUBACAFUZA.RETA YURWANDA YUBATSE KUMATEGEKO.

19
CAKIRA 25-07-2016 à 13:17

ooooh,uyomuvugizi wa kagome,ivyavuga namahopa!kuva aho bakagiriye baca ahonyene mubaha inzira ubu niho mubonye komwobafata?murahende abandi ayonamayeri nuko amakungu yabahagurukiye!

20
Lili 25-07-2016 à 13:13

Police yu rwanda iraruhira ubusa kuko ntabwo igulishwa ryabantu iburundi ali ikibazo ntabwo ..nabayobozi abahaye akantu bagupangira abo washaka bose..bakabona ayo guhemba abakozi ba leta.

1 | 2

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha