Accueil > Amakuru > u Burundi > Domitila Kiramvu yahawe akandi gashimwe
Domitila Kiramvu yahawe akandi gashimwe
mercredi 27 Ntwarante 2013
Umumenyeshamakuru akundwa cane mu gihugu c’Uburundi akorera radiyo ijwi ry’abanyagihugu RPA n’iradiyo y’Abadagi Deutsche Welle, yahawe agashimwe kitiriwe PRIX D’EXCELLENCE POUR LA LIBERTE D’EXPRESSION katanzwe n’ishirahamwe ry’abarundi baba mu gihugu c’Ubufaransa. Ako gashimwe kagiye kumwongereza inguvu n’ingoga mu kazi kiwe ko gutangaza amakuru.
Kiramvu Domitile ni umukenyezi atera inkuru aho aba ari hose naho yoba ari mu bihe bigoye. Mu rugendo aherukamwo mu gihugu c’Ubufaransa, aho yitavye inama mpuzamakungu y’abakenyezi bavuga ururimi rw’igifaransa aho hari kuwa 20 Ntwarante uyu mwaka turimwo, ku butumire bw’ubuserukizi bw’ubufaransa i Bujumbura, ntiyari azi ico abarundi baba mu gihugu c’Ubufaransa bari bamubikiye.
Inyuma y’iyo nama, abarundi baba mu bisagara vyose vy’Ubufaransa baramuteguriye agatutu gateye igomwe nk’uko amakuru yo kwizerwa aho i Paris abitumenyesha. Hari ku mugoroba wo kuwa 22 Ntwarante i Paris ku murwa mukuru w’Ubufaransa. Abo barundi bahurikire mw’ishirahamwe ryabo ryitwa "BURUNDI AVENIR" niho bamushimira ku ntererano y’uwo mu narugo w’ abana batatu ku kuntu aharanira ukwishira no kwizana mu gushikiriza amakuru. Kubwa NTWARI Gustave aserukira "BURUNDI AVENIR" aho mu gihugu c’Ubufaransa, barateye iteka KIRAMVU Domitila mu kumuha ako gashimwe kubera yitanga cane mu kazi kiwe ka misi yose ko gushikiriza amakuru.
Kiramvu Domitila yarabuze amajambo avuga ahawe ako gashimwe. Avuga ko yanezerewe cane kubona yatowe mu bamenyeshamakuru benshi. Nk’uko abandanya abivuga, ako gashimwe bise " Prix d’excellence pour la liberté d’expression" kamuteye intege n’inguvu zo kubandanya aharanira ukwishira no kwizana mu gushikiriza amakuru yubahirije amategeko agenga umwuga wo kumenyeshamakuru. Ako gashimwe akaronse inyuma yaho ishirahamwe rirwanya abarya ibiturire n’abasesagura amatungo ya leta rimuhaya agashimwe kitiriwe Ernest MANIRUMVA mu mwaka w’2012, hari kuwa 16 Kigarama 2012.
Patrick Wasso
Messages
27 Ntwarante 2013, 07:39, par Rukundo Gahanga
BAMWIBUTSE BATEVYE . tWEBWE TURAZIKO ARI IGITANGAZA KUVA KERA.
27 Ntwarante 2013, 11:05, par amakuru
ni umuhatari uwo mugore
28 Ntwarante 2013, 01:02, par Soren
KIDO; urateye iteka abamenyeshamakuru bi Burundi. Komera ku muheto.
28 Ntwarante 2013, 05:54, par Lion Story
Asa ni igikoko uwo mugore
28 Ntwarante 2013, 08:58, par Peacemaker
Felicitations pour Kiramvu ndibuka muri 2005 si pas 2006 aho yavuga inkuru za Rajab!!! Mon souhait et de reconctrer ce fameux journaliste face a face.
Agomba kutezwa imbere.
30 Ntwarante 2013, 08:23, par Alain kazungu nshimirimana
Komera kumuheto mupfaso urintwari mubandi barundi batey iteka igihugu turagukeje
31 Ntwarante 2013, 12:42, par kabaka
ni itabi anwa ryinshi rimukoresha ba sha!mwe abrundi ntimumuzi
7 Rusama 2015, 20:17, par chany
kiramvu yagiyh kotutakimwumva.
9 Ruheshi 2015, 23:33, par Erissa
Nukuri Niyirambire Imana Imuje Imbere.
19 Rusama 2017, 07:58, par AMIDA
NIWIRONKE KOMERA