Ego Hotel: Abakundanye baravyerekanye

Igenekerezo rya 14 Ruhuhuma uko umwaka utashe,abakundanye,bubakanye canke batarubakana barahimbaza umunsi mukuru w’abakundana,umunsi wa Saint Valentin.

Mu gihe umuririmvyi Kidum yariko aremesha igiteramo kuri Ego Hotel,ku mugoroba wo kuri uno wa kaneigenekerezo rya 14 Ruhuhuma 2013,abakundanye baravyerekanye.

Babiri babiri mu cicaro,basangira ibinyobwa,batamba,batwenga,biboneka ko umunezero ari wose,ivyo nivyo vyaboneka mu kigo ca Ego Hotel.

Umwe twabajije mu bari ng’aho mu kigo ca Ego Hotel,yatubwiye ko umunsi wa Saint Valentin ari umunsi yereka umukunzi wiwe ko amukunda kuko haba m’ubukene canke m’ubutunzi uwo munsi ushitse basohoka bagasangira ivyo baba bafise.

Mwomenya ko n’umuririmvyi R-Flow yari kumwe n’umukunzi wiwe Chanelle azwi kw’izina rya Chany Queen,aho yamufashije mbere kuririmba.