Ego Hotel igiye gufasha abadandaza bo mw’isoko nkuru ya Bujumbura

Nk’uko umuyobozi mukuru wa Ego Hotel Ali Tuna yabitumenyesheje ngo igiteramo batunganije ku munsi mukuru w’abakundana kizovamwo uburyo bwo gufasha abadandaza bahombeye mw’isoko nkuru ya Bujumbura .

Ali Tuna akaba yatumenyesheje ko mu mafaranga azova mu giteramo kizoremeshwa n’umuririmvyi Kidumu hazovako igice c‘amafaranga azofasha abadandaza bahora badandariza mw’isoko nkuru ya Bujumbura, ariko ayo mafaranga ngo azoca mu mabanki mato mato ayo bita( microfinances) mu rurimi rw’igifaransa.

Ivyo rero ngo bazobikora mu ntumbero yo kwifatanya n’abandi barundi bose mu gufasha abo badandaza kugirango ubutunzi bw’igihugu busubire kuzamuka kuko isoko nkuru ya Bujumbura yatumye haba uruhombo runini ku gihugu.