IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > u Burundi > Franco Coppola yarangije ikiringo c’amabanga yiwe m’Uburundi

Franco Coppola yarangije ikiringo c’amabanga yiwe m’Uburundi

mercredi 5 Ntwarante 2014

Intumwa ya Papa mu Burundi, Franco Coppola yakiriwe n’icegera ca kabiri c’umukuru w’igihugu Gerevazi Rufyikiri, aho yari agiye ku musezera, kuko agiye gukorera mu kindi gihugu.

Intumbero y’urwo rugendo rwabaye kuri uyu wa kabiri wa 4 Ntwarante, Gerevazi Rufyikiri yamenyesheje ko iyo ntumwa ya papa mu Burundi yarije gusezera ku kiringo c’amabanga yiwe kirangiye hano mu Burundi, akaba agiye kubandaniriza kurangura amabanga yiwe, mu gihugu ca Centrafrika.

Icegera ca kabiri c’umukuru w’igihugu akaba yaboneyeho akaryo ko gushima imigenderanire iri hagati ya Reta y’Uburundi na Ekereziya Katorika. Ivyo navyo bikaba vyaranzwe n’ibikorwa vyiza vyakozwe, yaba ivy’imibano na cane cane intererano mu ndero y’urwaruka, mu gutanga inyigisho zubaka.

Mw’ijambo ryo gushimira iyo ntumwa ya papa m’Uburundi, Franco Coppola mu gihe bariko barivunira umusase hamwe, umushikiranganji wo hagati mu gihugu, Eduard Nduwimana yamenyesheje ko ashimye ibikorwa vyose vyaranguwe n’ubuserukizi bw’intumwa ya Papa mu Burundi na cane cane mu gufasha gutsimbataza imigenderanire hagati ya Reta y’Uburundi n’ikirimba ca Papa.

Mwomenya ko Franco Coppola yaramaze imyaka ine arangura amabanga yiwe mu Burundi akaba agiye kuyabandaniriza mu gihugu ca Centrafrika.


Mariella Bukuru

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.