Accueil > Amakuru > u Burundi > Gutsimbataza ugufashanya hagati y’igihugu c’Uburundi na Amerika
Gutsimbataza ugufashanya hagati y’igihugu c’Uburundi na Amerika
jeudi 31 Nzero 2013
Icegera ca mbere c’umukuru w’igihugu Therence Sinunguruza yarakiriye mu biro iwe uwuserukira igihugu ca Leta zunze ubumwe za Amerika Dawn Liberi,abo bategetsi babiri baganiriye ku bijanye n’imigenderanire iri hagati y’ivyo bihugu bibiri.
Hari kuri uno wa kane igenekerezo rya 31 Nzero 2013,aho icegera ca mbere c’umukuru w’igihugu yakira uwuserukira igihugu ca Leta zunze ubumwe za Amerika.
Nk’uko Dawn Liberi yabimenyesheje bagenzi bacu bo ku nsamirizi y’igihugu,ngo umubonano wabo wari ushingiye hanini ku bijanye no gutsimbataza ugufashanya hagati y’ivyo bihugu imaze imyaka 50.
Umupfasoni Liberi yaremeje kandi ko Leta zunze ubumwe za Amerika zizobandanya gushigikira u Burundi mu bisata isanzwe ifashamwo u Burundi, harimwo gushigikira abasirikare bagiye mu bikorwa vyo gutsimbataza amahoro muri Somalia.
Mugisha Van Naris
