Karusi : Ishirahamwe PAM rigiye gufasha abanyagihugu kurwanya inzara

Yanditswe na IGIHE
Kuya 16 juin 2016 saa 01:49
Yasomwe : 12420
0 0

Ishirahamwe mpuzamakungu rijejwe imfungurwa PAM (Programme Alimentaire Mondial) ryahawe amafaranga y’amanyaburaya agera ku muriyoni, akazofasha kurwanya inzara mu ntara ya Karuzi. Iyo mfashanyo yatanzwe n’igihugu c’Ubufaransa, kibicishije ku buserukizi bwaco mu Burundi.
Iyo mfashanyo yahawe ishirahamwe PAM izafasha kurwanya inzara muma komine ya Gihogazi, Nyabikere, Shombo, Mutumba na Buhiga. Mw’ishirahamwe PAM bamenyesha ko mu mwaka uheze mu kwezi kwa Nyakanga, Ubufaransa bwari kandi bwatanze (...)

Ishirahamwe mpuzamakungu rijejwe imfungurwa PAM (Programme Alimentaire Mondial) ryahawe amafaranga y’amanyaburaya agera ku muriyoni, akazofasha kurwanya inzara mu ntara ya Karuzi. Iyo mfashanyo yatanzwe n’igihugu c’Ubufaransa, kibicishije ku buserukizi bwaco mu Burundi.

Iyo mfashanyo yahawe ishirahamwe PAM izafasha kurwanya inzara muma komine ya Gihogazi, Nyabikere, Shombo, Mutumba na Buhiga. Mw’ishirahamwe PAM bamenyesha ko mu mwaka uheze mu kwezi kwa Nyakanga, Ubufaransa bwari kandi bwatanze ibihumbi amajana atanu y’amafaranga y’amanyaburaya, ayo nayo akaba yafashije kugaburira abantu bari basinzikajwe n’inzara kubera ubukene igihugu kirimwo.

Michel RWAMO ajejwe kumenyesha amakuru mw’ishirahamwe PAM mu Burundi avuga ko intara ya Karuzi yatowe kubera ariyo vyagaragaye ko irimwo abantu benshi basinzikajwe n’inzara kandi bafise ingwara y’ugufungura nabi. Ayo mafaranga ahanini azokoreshwa mu bikorwa bituma abantu bihagararako mu gihe habaye uruzuba, inzara igatera, canke imvura ikarwa ari nyishi igatwara imirima.

Abanyagihugu bazokora ibikorwa nk’ugusibura amabarabara kugira abantu bashobore gushikira amasoko, ibikorwa vy’uguca imikobeko, gutera ibiti. Abazokora ivyo bikorwa bakazohabwa amafaranga azobafasha kurwanya inzara hamwe n’ugufungura neza.


Kumenyekanisha

1
DESIL 18-06-2016 à 21:35

MBEGA AKABONERO,BUGENYUZI,GUTE NAHONYE,RAKORA,NIBIHANGANE BAYISHIREMWO

2
MUYAHUDI 16-06-2016 à 19:39

EEEE !! NIVYIZA UBUFARANSA BURAKUNDA UBURUNDI ! BWANKA AKAGAY GUSA

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha