Accueil > Kwidagadura > Mumakungu > Stromae yatawe muri yompi n’abajejwe umutekano i Khartoum
Stromae yatawe muri yompi n’abajejwe umutekano i Khartoum
dimanche 3 Munyonyo 2013
Imbere y’uko yitegurira gusohora urukurikirane aherutse gukora, ari mu rugendo i Khartoum mu gihugu ca Soudani, aho yitavye inama yo kugarukira indero y’abigeme, umuririmvyi rurangiranwa Stromae yatawe muri yimpi n’abajejwe umutekano i Khartoum aho yari mu rugendo.
Nk’uko rero akunze kubigira iyo ari mu bisagara, Stromae ariko agenda i Kartoum, yaciye yiririmbira indiririmbo yiwe « Formidable » izuba riva hagati mu gisagara. Asa n’umuntu aborewe, aririmba atuka abahita, yifatira mu gahanga abakobwa ko ataco ariko arabasaba. Ati: "Ntimwibaze ko ndiko ndabaresha, eka da, kandi rero ndi umusore".
Wewe yibaza ko yaryoheye abahita cane, ahubwo yaciye atabwa muri yompi n’abajejwe umutekano b’igihugu ca Sudani, aca apfungirwa mw’ibohero, aho yagiriwe n’icaha co kuborerwa ari mu kibanza gicamwo abantu benshi.
Ubu rero, abategetsi bo mu gihugu ca Sudani n’Ububirigi igihugu ciwe bariko bagerageza kwumvikana kw’ihadabu Ububirigi bwotanga kugira Stromae arekurwe.
Umutegetsi w’Ububirigi yabwiye ikinyamakuru « Figaro » ko Stromae ameze neza, ariko ko bibabaje kwumva ko apfunzwe.
Umuririmvyi Stromae azwi cane mu ndirimbo nka Ou t’es, Papaoute
Sherif Nkenshimana
