IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > u Burundi > Uburundi bwakejwe n’ishirahamwe Meaningful World

Uburundi bwakejwe n’ishirahamwe Meaningful World

samedi 21 Nyakanga 2013

Mu gihe isi yose izaghimbaza umunsi mpuzamakungu wahariwe amahoro, Uburundi rero buri mu bihugu bitanu bizoshimirwa kubera uruhara igihugu cagize mu gutorera inyishu amatati afatiye ku bwoko.

Ako gashimwe kakazagutangwa n’ishirahamwe Meaningful World, ishirahamwe riri muri Leta zunzubumwe z’Amerika. Uwuserukira Uburundi mw’ishirahamwe mpuzamakungu ONU akaba ariwe azakugatora kw’izina rya Leta y’Uburundi.

Mu Burundi, umunsi mpuzamakungu wahariwe amahoro ukaba uza guhimbazwa uyu munsi kw’igenekerezo rya 21 Nyakanga 2013, muri komine Isale. Mu ntumbero yo guhimbaza umusi mpuzamakungu wahariwe amahoro muri uno mwaka wa 2013, ikigo kijejwe guteza imbere imibano hamwe n’imiryango mu gisagara ca Bujumbura CDFC, kikaba cari catunganije ihiganwa ryahuje urwaruka rwo mu ma komine ane yo mu gisagara ca bujumbura, kuri uyu wa gatanu igenekerezo rya 20 Nyakanga uyu mwaka.

Ayo makomine rero yahiganywe akaba ari komine Kamenge, Musaga, Kanyosha, Rohero ,amakomine yahuye n’amatati y amoko mu ntamabara yo mu mwaka wa 1993, nk uko bivugwa n’uwujejwe ibikorwa muri iryo shirahamwe CDFC.


Floxella Karire

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.