Uganda yatahukanye igikombe ca CECAFA 2012

Yanditswe na Pierre Claver Niyonkuru
Kuya 9 décembre 2012 saa 08:46
Yasomwe : 720
0 0

Igihugu ca Uganda catsinze ibitsindo 2 kuri 1 ca Kenya. Igihugu ca 3 cabaye Zanzibar.
Igihugu ca Uganda ari naco cabereyemwo inkino zihuza imigwi nserukirabihugu vyo muri Afirika yo hagati n’ubuseruko nico catahukanye igikombe ca CECAFA uyu mwaka w’2012. Catsinze ibitsindo 2 kuri 1 ca Kenya mu rukino rwa nyuma kuri uyu wa gatandatu italike 7 ukwezi kwa Kigarama umwaka w’2012.
Igitsindo ca mbere cinjijwe n’umukinyi w’umukenya Anthony Kimani yiyinjije ku munota wa 28. Kenya nayo yahavuye yinjiza (...)

Igihugu ca Uganda catsinze ibitsindo 2 kuri 1 ca Kenya. Igihugu ca 3 cabaye Zanzibar.

Igihugu ca Uganda ari naco cabereyemwo inkino zihuza imigwi nserukirabihugu vyo muri Afirika yo hagati n’ubuseruko nico catahukanye igikombe ca CECAFA uyu mwaka w’2012. Catsinze ibitsindo 2 kuri 1 ca Kenya mu rukino rwa nyuma kuri uyu wa gatandatu italike 7 ukwezi kwa Kigarama umwaka w’2012.

Igitsindo ca mbere cinjijwe n’umukinyi w’umukenya Anthony Kimani yiyinjije ku munota wa 28. Kenya nayo yahavuye yinjiza igitsindo ca mbere catumye binganya na Uganda ku munota wa 87, umukinyi Edwin Labatsa niwe yacinjije.

Ku munota wa 90,urukino rugira ruhere, niho ibintu vyadadanuka. Umukinyi wa Uganda yinjije itsindo kigira kabiri, cinjijwe na Geofrey Kizito. Gutyo, Uganda iba iratsindiye igikombe ca CECAFA mu mwaka w’2012.

Uganda yashitse mu gice ca nyuma ca CECAFA itsinze inkino zoze kandi idatsinzwe igitsindo na kimwe.

Iyo migwi ya kenya na uganda yaheruka guhura mu mwaka w’2008, naho nyene Uganda yatsinze igitsindo 1 kuri 0 gutyo itahukana igikombe.

Ikinanza ca gatatu catahukanye igihugu ca Znzibar mugutsina Tanzaniya 1 kuri 1, haciye haba gutera Pernalty, Zanzibar yinjiza zitandatu kuri zitanu za Tanzaniya.

Umugwi Intamba mu Rugamba waserukiye u Burundi wowo waviriyemwo mu gice ca kane gishira ica nyuma, utsinzwe na Zanzibar kuri Pernalty 4 kuri 5. Ariko abakinyi b’Intamba mu Rugamba bari binanase baratsinda igihugu ca Tanzaniya igitsino 1 kuri 0.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha