Ukwitanga kw’Uburundi mu kugarukana amahoro muri Afrika kurashimwa

Umukuru w’ishirahamwe ry’ubumwe bw’Afrika Dr Nkosazana Dlamini Zuma, arashima ukwitanga kw’igihugu c’Uburundi mu bikorwa vy’ukugarukana amahoro muri Afrika.

Uyo mupfasoni arongoye ishirahamwe ry’ubumwe bw’Afrika, akaba yabivuze igihe Alain –Aimé Nyamitwe yari ajanye amakete amugena muri iryo shirahamwe ry’Ubumwe bw’Afrika.

Umupfasoni Nkosazana akaba yarahaye ikaze Alain -Aimé Nyamitwe mu bikorwa vy’ishirahamwe ry’Ubumwe bw’Afrika, ndetse aca amuha n’ikaze mu bikorwa vyose biraba ishirahamwe, ndetse no mu vyotuma imirimo yiwe igenda neza muri iryo shirahamwe. Alain-Aimé Nyamitwe akaba nawe yaragaragaje ishaka ry’ugukora kugira ibikorwa vy’ishirahamwe ry’Ubumwe bw’Afrika bitere imbere.

Twobibutsa ko Alain-Aimé Nyamitwe aroye mw’ishirahamwe ry’Ubumwe bw’Afrika avuye guserukira Uburundi mw’ishirahamwe rihurikiyemwo ibihugu vyo muri Afrika y’Uburengero. Inyuma yaho, akaba yari asanzwe ari icegera c’uwujejwe ivy’ingendo ku bw’Uburundi i Génève.