Umugambi mushasha wo kurwiza umwimbu

Umugambi mushasha wo kurwiza ibiti bibana neza n’imirima niwo ugiye kuzoshirwa imbere, mu ntumbero yo kurwiza umwimbu.

Ubushikiranganji bw’uburimyi n’ubworozi, bubicishije mu kigo c’ubushakashatsi mu burimyi n’ubworozi (ISABU), bukaba bwatanguje umugambi ujanye n’ikoreshwa ry’igiti mu kurwiza umwimbu mu Burundi. Ivyo rero bikaba vyotuma umurimyi-mworozi yizera ko uwo mugambi uzomugirira akamaro kuko ingorane zihanze abanyagihugu ari iz’amatongo. Ikigo ISABU gisanzwe kirondera ubwoko bw’ibiterwa mbumbarugo, njabukamazi n’ibindi biterwa vyose vyimbuka mu Burundi, ubwo bwoko bwimbuka bukaba bufatiye kw’ihindagurika ry’ibihe.

Muri uwo mugambi rero, hakazoshirwa imbere ugukoresha ibiti bibana neza n’ibiterwa mu ndimiro.