Advertisement
Kumenyekanisha
  IGIHE.bi \BB Amakuru \BB u Burundi
Umuryango w’umumenyeshamakuru Jean BIGIRIMANA uracarondeza
Yanditswe taliki ya 28-07-2016 - isaha 13:29' na IGIHE

Umuryango w’umumenyeshamakuru Jean BIGIRIMANA nturashobora kumenya namba uwabo yoba akiriho. Iminsi igiye kuba indwi ata gakuru kiwe kuva aho afatiwe akajanwa mu kibanza kitaramenyekana. Umupfasoni wiwe Godeberte HAKIZIMANA abandanya gusaba abobishobora bose ko bomufasha kurondeza aho umugabo wiwe yoba ari.

Mu gihe kuva kuri uwu wa gatanu atawuzi irengero ry’umumenyeshamakuru w’ikinyamakuru IWACU, Jean BIGIRIMANA, bikavugwa ko yafashwe n’abakozi b’igendereza, umuvugizi w’igiporisi c’Uburundi, OP1 Pierre NKURIKIYE amenyesha ko uwo mumenyeshamakuru atahagaritswe n’inzego zijejwe umutekano. Uwo avugira igiporisi c’Uburundi asaba umuryango wiwe ko wokorana n’igiporisi mu matohoza.

Jean BIGIRIMANA, umumenyeshamakuru yahora akorera insamirizi REMA FM, akaba yari asigaye akorera ikinyamakuru IWACU, yahagaritswe ku muhingamo wo kuri uwu wa gatanu igenekerezo rya 22 Mukakaro 2016. Uwatanze amakuru ku muryango wiwe yavuze ko yafashwe n’abakozi b’igendereza.

JPEG - 128 ko
Umumenyeshamakuru Jean BIGIRIMANA

Uwo mumenyeshamakuru yavuye muhira nk’igihe c’isaha umunani agiye i Bugarama mu ntara ya Muramvya, mu nyuma nk’igihe c’isaha cumi na zibiri z’umugoroba, umuryango wiwe ukaba wahamagawe kuri terefone n’umuntu utamenye, uwo muntu abwira Godeberte Hakizimana, umupfasoni wa Jean BIGIRIMANA, ko yatawe muri yompi, ariko ntibamenya ikibanza apfungiwemwo, hamwe n’ico yafatiwe. Uwo muntu yatanze ayo makuru y’ifatwa rya Jean BIGIRIMANA yavuze ko yahagaritswe n’abakozi b’igendereza, bari kumwe n’abajejwe intwaro, i Bugarama, ariko umuvugizi w’igiporisi c’Uburundi akaba abihakana.

Godeberte Hakizimana, umupafasoni w’uwo mumenyeshamakuru asaba inzego zijejwe umutekano ko zomufasha kurondera hamwe n’ugukingira umugabo wiwe ari mu kibanza kitaramenyekana.

Ishirahamwe ry’abamenyeshamakuru batagira imbibe (Reporters Sans Frontières) rimeneysha ko ifatwa ry’uwo mumenyeshamakuru ari ingendo y’ugushaka gutera ubwoba abakora umwuga w’ukumenyesha amakuru, iryo shirahamwe rigasaba ko Jean BIGIRIMANA yorekurwa.

Ivyiyumviro vyanyu

None,kobatavugiyari,kandaribobahazi,,

30.07.2016 à 19:27
Melchiade

Nugusengi Imana, kugaruka ni manimpa kwabo bagesera ngo nabiperereza, iperereza ryo ngaha iwacu turamenyereye kuba badutwara abacu bakagenda kufungirwa mumazu yabo, bukeye bagatorwa ibiziga.

29.07.2016 à 02:30
Morodikayi Jon

iman imuhezagir ahar iramubona ikind imurind agasuzugur(.....)

28.07.2016 à 23:29
uwiman

iman imuhezagir ahar iramubona ikind imurind agasuzugur(.....)

28.07.2016 à 23:28
uwiman

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.