Ebola : Abantu cumi bashobora kuba banduye muri Texas

Mu bantu bashika mirongo itanu bakirabwa ko boba banduye umugera Ebola i Dallas, muri Texas, cumi nibo, ku rugezo rwo hejuru, bashobora kuba baranduye, nk’uko vyashikirijwe n’uwurongoye ibikorwa bijanye n’amagara y’abantu muri iyo Reta, umuganga David Lakey.

Abandi bari ku rugezo ruto rwo gushobora kuba barandukijwe na wa murwayi yatorwa umugera Ebola ku wa kabiri, ubu ari ahiherereye mu bitaro vy’i Dallas. Uyo munya Liberia, ari uwambere asuzumwe iyo ndwara atari ku butaka bwa Afrika, yapimwe imisi myinshi imbere y’uko ibimenyetso vy’ambere vya Ebola vyigaragaza, bigatera ubwoba ko benshi mu bamukikuje n’abandi banduye uyo mugera.

Ubutegetsi bwa Amerika buhamagarira abantu gutekana no kudacika ivutu mu gutinya kwandura uyo mugera mu guhumuriza abanyagihugu ko amahirwe yo kwandura ari mato cane gose muri Reta zunze ubumwe za Amerika, ugereranije no muri Afrika y’Uburengero aho ico kiza kimaze kwica abarenga ibihumbi bitatu.