Accueil > Kwidagadura > Amareresi > Igikorwa ca Diane Kaneza carashimwe na CANAL + na CFI
Igikorwa ca Diane Kaneza carashimwe na CANAL + na CFI
vendredi 21 Ruheshi 2013
Mu kwezi kwa Ndamukiza uyu mwaka turimwo, CANAL+ Afrique na CFI vyiyumviriye kugira umugambi bise "L’Afrique au Fiminin” , umugambi wahamagarira abigeme n’abakenyezi baturuka muri Afrika kugira bahiganwe mu bijanye no gukora amareresi magufi. Icivugo cari "Reussir en Afrique."
Inyuma yo kwegeranya amareresi ashika kw’ijana, CANAL+ Afrique na CFI zahisemwo amareresi 15 yakorewe mu bihugu 13 vyo muri Afrika bikoresha ururimi rw’igifaransa. Muri ayo mareresi magufi haratowe ireresi y’umukenyezi w’umurundikazi yitwa Kaneza Diane, iyo reresi ikaba yitwa” Made in Burundi”
Sebatien Punturello, aserukira CANAL+ mu bihugu ikoreramwo vyose muri Afrika, uno musi igenekerezo rya 21 Ruheshi 2013, yari aramutse akeza umwigeme Kaneza Diane ku mahirwe yagize yo gutorwa akaja muri cumi na batanu.
Mw’ijambo ryiwe, Sebatien Punturello, aseruklira CANAL+ yakeje cane Kaneza Diane yongera amenyesha ko Kaneza azoronka co kimwe n’abandi 14 batowe inyigisho zibiri. Iya mbere ikazoba ariyo kumufasha kugira ashobore kwandika ireresi yiwe mu gihugu ca Cote d’Ivoire, iya kabiri nayo ni ukumufasha gutunganya amasanamu hamwe no kuyafata.
Prosper Ndayikeza
