Gitega: Ihiganwa ry’imvyino zijanye n’igihe ca none

Kuri uyu wa gatandatu w’igenekerezo rya 20 Ndamukiza 2013 harabaye ihiganwa ry’imvyino zijanye n’igihe ca none (DANCE MODERNE) mu rwego rwo kurushirizaho guteza imbere urwaruka mu kwidagadura no kurondera imirwi izobandanya mu bice bikurikira muri iryo higanwa .

Iryo higanwa ryateguwe n’ishirahamwe ry’urwaruka, mu ntumbero yo guteza imbere imicokama , rikaba ryari ryahuje imirwi yizo mvyino yose ikorera aho mu ntara ya Gitega, iyo mirwi nayo ikaba yagera kuri cumi n’ibiri.

Muri iyo mirwi yose uko ari cumi n’ibiri, hashakwamwo imirwi itandatu gusa izohiganwa mu gice ca nyuma ku rwego rw’intara, hama muri iyo,hakazovamwo ibiri izoserukira intara mw’ihiganwa rizohuza intara zitanu z’igihugu rizobera ingozi mu kwezi kwa Mukakaro.

Imirwi itandatu izohura mu gice ca nyuma aho muri iyo ntara,ni: "The Best" waje ari uwa Mbere, "Young Crew" wa kabiri,"King of Dance" wa gatatu,T"imber Lande" wa kane,"Ninja of Dance" wa gatanu na "King of Lion" wa gatandatu .