Ni gute nomenya ko ankunda vy’ukuri

Hanyuma atashe ndamuherekeza duhana nimero za telefone;ndamusezeye ambwira ko yankunze,ambaza nimba namukunze nanje nti ‘ego’. Aho urukundo no gukumburana biba vyatanguye. Tugahura tukaryoherwa hamwe...,agakunda kumbwira ko anyiyumvamwo cane twanavugana kuri phone ngo bikamurengera akumva...,kandi nanje vyari uko mu mutima wanje.

Igihe kimwe arahura na wa mukobwa [bakundana kera] afashe telefone yiwe abona ubutumwa bwanje ngo arababara abonako ibintu bigeze kure,aca ashira nimero zanje kuri ‘black list’ ku buryo ntazosubira kumuhamagara; ariko abikora umuhungu atabizi.
Naramuhamagaye ndamubura nkoresheje iyindi telefone ndamutora numva ndababaye cane ndamubaza uko vyagenze ambwira ko atabizi nanje ndumirwa.

Mu nyuma arabazaa wa mukobwa nimba ari we wabigize aravyemera,umuhungu arambwira ati ‘ni wamukobwa nakubwiye twahora dukundana niwe yatoye telephone yanje hanyuma ashira nimero yawe muri liste noire. Naryohewe cane kuko yambwije ukuri, nanje ndamukunda sinacitse intege naguze iyindi carte sim na nimero nshasha tukama tuvugana,ndamubwira ko ivy’uwo mukobwa jewe ataco bimbwiye ivyo yokora vyose ko ico jewe mpa agaciro ari ikimurimwo [umuhungu]gusa.