Patch kataziriwe Adolf kubera ugushusha na Adolf Hitler

Akabwa kitwa « Patch » kamaze iminsi ari ikiyago ku mbuga ngurukanabumenyi. Na cane cane kuri za Facebook, Twitter n’izindi zo mu bwoko bw’izo. Igituma “Patch” kabaye ikiyago ni ukuba ako kabwa bivurwa ko gashusha cane na Adolf Hilter, umunyaporike w’umudagi yatwaje umukazo, akamara abantu.

Patch (i bubamfu), Adolf Hitler(i buryo)

“Patch” si akabwa nkutundi twose. Gafise igisera cirabura ku ruhande bw’ububamfu ku mutwe wako. Gafise kandi n’ikindi cirabura nyene kiva ku zuru kija ku munwa, umuntu aravye yohava agira ko “Patch” gafise ubwanwa. Ivyo rero, ku bantu, bikoranye ntivyijana uko bidatanze ishusho ry’ikintu canke umuntu ashobora kuba yarabonye. Lynda Whitehead, umwana w’umukobwa w’umwongerezakazi, akaba ariwe yabonye ubwa mbere ugushusha kwa Patch hamwe na Hitler.

Kuva ico gihe Lynda avugiye ukwo gushusha, “Patch” baciye bagaha izina rishasha: Adolf. Izina ry’iritazirano ry’uwatwaje umukazo igihugu c’ubudagi yitwa Adolf Hitler. Lynda ariko akaba avuga ko ukwo gushusha kugarukira aho gusa, kuko ako kabwa gatekereza cane, n’ikibano ciza. Ntaho gahuriye na gato na Hitler mu bijanye n’inyifato. Ako kabwa kamaze amayinga 7 gusa kabayeho. “Patch” canke Adolf, gafise utundi tubwa 2 biva mu nda imwe. Ariko rero tuno ntidusa na gato na Moussolini canke Staline.

Aya masanamu akurikira yerekana ukwo gushusha kwa Patch na Hilter bavuga :