Umurwi Shemeza Music urigisha abashaka kumenya umuziki

Umurwi Shemeza Music urongowe n’umuririmvyi w’indirimbo z’Imana Appolinaire Habonimana uratunganya ivyigwa vy’umuziki kuri abo bose bipfuza kumenya gucuraranga muri Shemeza Music Training Center.

Ni inkuru nziza kuri abo bose bipfuza kwiga umuziki.Kwiyandikisha ku bari ku rwego rwa mbere no ku rwego rwa kabiri bikaba biriko biraba gushika igenekerezo rya 20 Nzero 2013 muri Shemeza Music Training Center.

Inyigisho zitangwa rero zikaba ari izo kuvuza Piano,inanga,ibitari vyo mu bwoko bwose,ingoma.Baratanga kandi ivyigwa vy’amajwi.

Twobamenyesha ko Shemeza Music Training Center ikorera mu nyubakwa ziri muri Rohero2,ibarabara ryitiriwe Bweru inomero 18 ikaba yugurura iminsi yose isaha cumi na zibiri z’umugoroba.