AJAP risaba Reta y’Uburundi guhamagaza Michel KAFANDO kugira yisigure

Yanditswe na MUGISHA Van Naris
Kuya 5 juin 2018 saa 09:05
16410
0 0

Ishirahamwe ry’Urwaruka mparaniramajambere ku rwego rwa Afrika AJAP, rimenyesha ko ryatangajwe n’ivyashikirijwe n’intumwa idasanzwe y’umunyabanga mukuru wa ONU mu Burundi, Michel KAFANDO, ko amatora yabayemwo utunenge. Ishirahamwe AJAP rigasaba amashirahamwe mpuzamakungu kutivanga mw’itunganywa ry’Uburundi.

Mw’itangazo ry’Ishirahamwe AJAP ryo kur’uyu wa kabiri igenekerezo rya 5 Ruheshi 2018, Umukuru w’ishirahamwe AJAP, Eric NSENGIMANA, amenyesha ko badatahura ingene Michel KAFANDO yagize ico avuze ku matora yo kwemeza canke guhakana ibwirizwa nshingiro kandi ata murorerezi n’umwe yarungitse mu gihe c’amatora.

Muri iryo tangazo, umukuru w’ishirahamwe AJAP, asaba Reta y’Uburundi gutumako intumwa idasanzwe y’umunyamabanga mukuru wa ONU mu Burundi, kugira yisigure kuvyo yavuze, ku bijanye n’amatora yo kwemeza canke guhakana ibwirizwa nshingiro.

Ishirahamwe ry’Urwaruka mparaniramajambere muri Afrika, AJAP, rirashimira sentare ijejwe kwubahiriza ibwirizwa nshingiro, kuba ryaremeje ivyavuye mu matora yo kwemeza canke guhakana ibwirizwa nshingiro.

Ishirahamwe AJAP risaba abarundi kubandanya batsimbataza gutekana, rigasaba Reta kubandanya ibikorwa biteza imbere Uburundi.


Kumenyekanisha

1
harimana M. Rose 6-06-2018 à 11:02

Jewe sinshigikiye ko abo bantu ONU irungika mu bihugu ivyari vyo vyose bazana akantu ko guhengamira aha canke hariya.
Ivyo tuvyumva mu bihugu bikenye gusa.
Nubwo nuko n’iyo référendum yagizwe ngaha mba mu Bubuligi bateye kuri réforme yo gutungaya igihugu igira gatandatu nta munyagihugu babaza ngo emera canke hakana,.
Aba représentants ba ONU barahari ariko ntaco babivugako.None mu Burundi ni ho barungika abazi akazi kurusha ahandi ?

2
karanga 6-06-2018 à 08:54

Iryo shirahamwe AJAB riratwenza pe , mbega risaba Kafando ngo aze kwisigura mu Burundi , niryo ryamuhaye akazi ? Canke umurimo yoba yawushinzwe na Leta y’Uburundi ? Azisigura ku bamushinze igikorwa . Nayo Ajab na leta y’uburundi nibigumure mu kajagari kabo

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha