Aba Scout mu Burundi barifatanya n’abo kw’isi kwibuka Baden Powell yatanguje umuhari

Yanditswe na MUGISHA Van Naris
Kuya 22 février 2018 saa 01:13
Yasomwe :
0 0

Ishirahamwe ry’aba Scout mu gisagara ca Bujumbura barifatanya n’abandi mu guhimbaza imyaka 161 iheze uwatanguje umuhari w’aba Scout Baden Powell yitavye Imana. Mu bikorwa bitegekanijwe, harimwo ugukora isuku mu bice bimwe bimwe vy’igisagara ca Bujumbura.

Valerie MBONIMPA (Guepe Humble) arongoye umuhari w’aba Scout mu gisagara ca Bujumbura, amenyesha ko kur’uyu wa kane igenekerezo rya 22 Ruhuhuma 2018, hatunganijwe imisa iza kubera ku maparuwase atandukanye, ikurikirwe n’igicaniro c’umunezero (Feu de joie).

Kubwa Valerie MBONIMPA, ibizokorwa mu ntumbero yo guhimbaza uwo munsi ntibizogarukira gusa mu masengesho, kuko bizoherekezwa n’ibikorwa vyo kugira isuku, mu bibanza bitandukanye mu gisagara ca Bujumbura, harimwo n’ikigo ndangakaranga Musee Vivant, i Bujumbura.

Ibirori nyezina bitegekanijwe ko bizoba ku munsi w’Imana igenekerezo rya 25 Ruhuhuma 2018, bikazobera mu kigo ndangamico, ahazohurira imirwi itandukanye y’aba Scout mu gisagara ca Bujumbura.

Baden Powell yavutse kw’igenekerezo rya 22 Ruhuhuma 1857, mu gisagara ca Londres, mu gihugu c’Ubwongereza,yitaba Imana kw’igenekerezo rya 8 Nzero 1941 i Nyeri, mu gihugu ca Kenya.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha