Advertisement
Kumenyekanisha
  IGIHE.bi \BB Amakuru \BB Mu makungu
Abaganga bemeje ko amagara ya Hillary Clinton yifashe neza
Yanditswe taliki ya 15-09-2016 - isaha 11:06' na IGIHE

Umuganga wa Hillary Clinton yemeje ko uwo ahiganirwa gutwara Reta zunze ubumwe za Amerika afise amagara meza, kandi ashobora amabanga y’umukuru w’igihugu. Uwo muganga yabishikirije igihe herekanwa urupapuro rwiwe rwo kwa muganga.

Iryo tangazo rivuga ko amagara y’umukandida mu matora y’umukuru w’igihugu ku ruhande rw’abademokarate, abandanya kuba meza, inyuma y’ingwara y’umusonga yari yamufashe.

Ivyo vyerekanywe inyuma y’aho uwo bahanganye Donald Trump yerekaniye urupapuro rwerekana uko amagara yiwe yifashe.

JPEG - 27 ko
Hillary Clinton

Abafasha b’umupfasoni Clinton bavuga ko bazosubira mu myiyamamazo ku munsi wa kane, inyuma y’aho afatiwe n’ingwara imbere y’isinzi ry’abantu mu mpera z’indwi iheze.

Abakandida bose, harimwo n’uwufise imyaka myinshi kurusha abandi bose bari bamaze kwitoza kurongora Amerika, bari bamaze imisi bahatirwa kwerekana ivyerekeye amagara yabo.

BBC ivuga ko ikibazo c’amagara caragarutse mu myiyamamazo y’amatora yimirije mu kwezi kwa cumi na rimwe, kuva aho umupfasoni Clinton w’imyaka 68 agwariye, ari mu myiyamamazo kw’igenekerezo rya 11 z’ukwezi kw’icenda, i New York.
Docteur Lisa Bardack yavuze ko umupfasoni Clinton ariko aratora mitende, akaba ariko arafata imiti ya "antibiotique" yongera aruhuka.

Ivyiyumviro vyanyu

Ariko Ntabona Ko Imyaka Iriko Iramubera Nabi. Narekere Abagishobora Kwiyamamaza,bobo Bagifise n’akayabagu Kukurya N’utwo Barondeye.Nakare ! " Akamuga Ntigatorora Kuko Niyo Gasumye Ntikikorera ".

15.09.2016 à 21:43
Ruzosi

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.