USA: Abapatiri 300 baragirizwa gufata ku nguvu abana

Yanditswe na Vianney BIKORIMANA
Kuya 15 August 2018 saa 02:06
23445
0 0

Sentare nkuru yo muri Pennsylvanie muri Reta Zunze ubumwe za Amerika yasohoye icegeranyo y’abapatiri 300 bo muri Ekereziya Katorika baho muri Pennsylvania bagirizwa gufata ku nguvu abana barenga igihumbi mu kiringo c’imyaka 70 iheze.

Amakuru amenyeshako ico cegeranyo gifise impapuro zigera amajana icenda yasohowe ejo ku musi wa kabiri n’umurwi w’abanyamategeko bahawe kwihweza no gusuzuma bimwe vy’umwihariko ivyaha bivugwakuri bamwe mu bapatiri ba Ekereziya Gatorika bo muru Reta Zunze Ubumwe za Amerika.

Bivugwako hari ibindi vyegeranyo vyatanzwe imbere y’iki cegeranyo gishasha ariko vyerekanye ko iki cegeranyo gishasha cihariye gusumba ivyo vyegeranyo vya mbere.

Bimwe biri murico cegeranyo cerekana umupatiri yafashe ku nguvu umwana w’umwigeme amutera inda yongera amufasha kuyikuramwo kandi aguma mu bikorwa vyiwe vyo gushikiriza inkuru nziza hamwe n’uwundi mupatiri yemeye ubwiwe ko yafashe ku nguvu abahungu 15 harimwo uwufise imyaka 7.

Ico cegeranyo kivuga ko naho ivyaha vyabayeho, vyinshi murivyo basanze vyarashaje bimaze igihe ku buryo sentare itovyakira kiretse abihebeyimana babiri bari muri sentare kuko ivyaha vyabo bitarasaza.

Tim Lennon, ari mw’ishirahamwe ry’abantu bafashwe ku nguvu n’abihebeyimana yavuze ko ari vyiza kubona ico cegeranyo yagizwemwo uruhara na Reta.

Iki cegeranyo cakozwe n’umurwi w’abantu 23 harimo abihebeyimana ba Ekereziya Katorika mu gihe cy’imyaka ibiri bakaba bakoze iperereza muri diyoseze zitandatu bakoresheje inyandiko zatanzwe nayo madiyoseze hamwe n’ivyabona vy’abakorewe ivyaha.


Kumenyekanisha

1
kankindi 16-08-2018 à 10:19

nibarongore ababikira

2
kankindi 16-08-2018 à 10:12

nibabareke barongore kuko nabapasteurs bararongora

3
Byamungu Bienvenue 16-08-2018 à 06:13

Yebabawee! Koko Izinary’ Imanarikomeje gutukwamubapagani Kubera Kiyitirira Imirimoyimana Kwabataribakebwa Mumitima. Abibwirakomuhagaze, Mwirindemutagwa. Ivyegeranyonkivyo Bizobandanye Nomuri EAC.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha