Abantu 7 barishwe, 10 bahagarikwa hadakurikijwe mategeko mu ndwi imwe.

Yanditswe na MUGISHA Van Naris
Kuya 6 novembre 2017 saa 08:33
Yasomwe : 5130
0 0

Ishirahamwe SOS-Torture rimenyesha ko abantu 7 aribo bishwe, 2 barahohoterwa , 10 nabo bahagarikwa hadakurikijwe amategeko mu kiringo c’indwi yo kuva kw’igenekerezo rya 28 gushika kurya 4 Munyonyo 2017.

Nkuko biri mu cegeranyo ca SOS-Torture kigira 99, SOS -Torture Burundi riragaruka ku biziga vyatowe mu ntara ya Gitega. rikavuga ko ibiziga vyatowe ahanini vyatowe ku misozi no mu nzuzi.

Icegeranyo ca SOS-Torture kivuga kandi ko iryo shirahamwe rifise impungenge n’amakenga ku myimenyerezo ya gisirikare ihabwa bamwe mu rwaruka rw’umugambwe CNDD-FDD, mu ntara ya Cibitoki.

Muri ico cegeranyo ishirahamwe SOS-Torture riragaruka kandi kw’ipfungwa rya Gervais RUKUKI yahora mw’ishirahamwe rikingira agateka ka zina muntu apfungiwe mw’ibohero rya Ngozi, rigasaba ko arekurwa.

Ishirahamwe SOS-Torture rikarangiza risaba igihugu ca Tanzaniya kuva mu gacerere ku bijanye n’ihagarikwa ry’indongozi zine z’umuhari FPB bahagarikiwe mu gihugu ca Tanzaniya kw’igenekerezo rya 21 Gitugutu 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha