Afuganisitani : ONU yagiriza Reta kudakingira abanyagihugu

Yanditswe na MUGISHA Van Naris
Kuya 8 mai 2018 saa 10:00
6915
0 0

Ishirahamwe mpuzamakungu ONU rimenyesha ko abantu 36 aribo bishwe, abarenga 70 barakomereka, mu gitero cakozwe na Reta ya Afuganistani, mu ntara ya Kunduz.

Amakuru dukesha urubuga rw’iradiyo BBC y’abongereza, amenyesha ko icegeranyo cakozwe n’ishirahamwe mpuzamakungu ONU, cerekanye ko benshi muri abo bishwe, bagizwe n’abana.

Ico cegeranyo kivuga ko Reta ya Afuganistani yakoresheje ibirwanisho vyo mu bwoko bwa rokete n’ibindi birwanisho bikomakomeye ku bemera Imana bari bakoranye, kikagiriza kandi ubutegetsi kuba ataco bwakoze ngo bukingire abanyagihugu.

Ico gitero kikiba, umushikiranganji wo kwivuna abansi mu mu gihugu ca Afuganistani, yavuze ko ico gitero cahitanye abantu 18 mu ntwazangabo z’abatalibani.

Kivuga gishimitse ko ata munyagihugu n’umwe yaguye mu bitero vyo kwivuna vy’abatalibani.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha