Amerika : Abantu 20 bishwe, abarenga ijana barakomereka

Yanditswe na Egide NDUWIMANA
Kuya 2 Gitugutu 2017 saa 12:00
Yasomwe : 23679
0 0

Abantu bagera kuri 20 nibo bamaze kumenyekana ko bitavye Imana, abandi barenga ijana barakomereka mu masasu yumvikanye mw’ijoro ryo kuri uwu w’Imana mu gisagara ca Las Vegas, mu gihugu ca Reta zunze ubumwe za Amerika.

Ayo masasu yarashwe n’umuntu yari mw’igorofa ya 32 mw’ihoteri ya Mandalay ikinirwamwo akamari (Casino). Igiporisi ca Reta zunze ubumwe za Amerika kivuga ko cashoboye kwica kirashe uwo muntu yari ahejeje gusasika inganda, mu gucucagira amasasu menshi mu bantu bari mu giteramo cariko kibera hafi y’iyo hoteri.

Mu giporisi ca Reta zunze ubumwe za Amerika bavuga ko imyidondoro y’uwo muntu yarashe abari mu giteramo akica abagera kuri 20, agakomemeretsa abarenga ijana itaramenyekana. Ikimaze kumenyekana akaba ari uko uwo muntu yariko arasa abari mu giteramo yahora aba nawe mu gisagara ca Las Vegas, inzu yiwe ikaba ikironderwa.

Ayo makuru atangwa n’igiporisi akaba avuga kandi ko muri ico giteramo harimwo bamwe mu ntwazangabo zo mu giporisi ca Reta zunze ubumwe za Amerika nabo nyene bakaba bari mu bahasize ubuzima.


Kumenyekanisha

1
Ntakirutimana John 3-10-2017 à 08:17

Turahojeje imiryango yabuze ababo mwicogitero bihangane mwisi shetani yaramaze kwakahindaro asigaye yikorera icoyishakiye mwisi, na Reta zunzubumwe za marekani turabahojeje bihangane.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha