Amerika ivuga ko ibiganiro arivyo vyotorera umuti ukutumvikana na Koreya ya Ruguru

Yanditswe na MUGISHA Van Naris
Kuya 12 août 2017 saa 12:01
Yasomwe : 7245
0 0

Umushikiranganji wo kwivuna abansi muri Reta Zunze Ubumwe za Amerika James Mattis, yavuze ko Amerika yizeye gutorera umuti ikibazo ca Korea ya Ruguru biciye mu biganiro.

Inyuma yo guterana amajambo hagati ya Reta Zunze Ubumwe za Amerika na Korea ya Ruguru, James Mattis amenyesha ko ingwano yokwonona vyinshi, ari naco gituma ibiganiro biriko birashira ibintu mu buryo.

Kuwa kane igenekerezo rya 10 Myandagaro 2017, igihugu ca Koreya ya Ruguru camenyesheje ko kiriko kiraheraheza umugambi wayo wo gutera ibisasu vya "missiles" zine hafi y’ubutaka bwa Amerika kw’izinga rya Guam.

Umukuru w’igihugu ca Reta Zunze Ubumwe za Amerika Donald Trump yavuze ko Koreyaa ya Ruguru yohava ita umutwe mu gihe yoshaka kurwana na Reta Zunze Ubumwe za Amerika.

Haraheze iminsi mike ishirahamwe mpuzamkungu ONU rifashe ingingo yo kwongereza ibihano ku gihugu ca Koreya ya Ruguru.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha