Barcelone : Uwikekwa gukora igitero cahitanye abantu 15 yishwe

Yanditswe na MUGISHA Van Naris
Kuya 22 Myandagaro 2017 saa 07:56
Yasomwe : 3546
0 0

Umugabo ava mu gihugu ca Maroc Younes Abouyaaqoub, yikekwa kuba ariwe yagize igitero mu gisagara ca Barcelone yishwe n’igiporisi ca Espanye kuri uno wa mbere igenekerezo rya 21 Myandagaro 2017, ku birometero 45 mu burengero bw’igisagara ca Barcelone.

Abategetsi mu gihugu ca Espagne bavuga ko inyuma yo kwikeka ko yoba yiboheyeko ibombe baciye bamurasa, ariko mu nyuma basanze itari ibombe y’ukuri.

Abategetsi kandi bamenyesha ko Younes Abouyaaqoub yari azwi nk’umusuma w’imodoka kandi akora n’ibitero vyo gucumita abantu akoresheje imbugita.

Umushikiranganji w’intwaro mu gihugu mu ntara ya Catalan, Joaquim Forn yamenyesheje ko ivyemezo biriho ko Younes Abouyaaqoub yarashwe ariwe yariko atwara imodoka yishe abantu 15 mu gisagara ca Barcelone.

Mu giporisi bavuga ko hakiri uwundi akomeye mw’idini rya Islam bakirondera Abdelbaki Es Satty, vyikekwa ko ariwe yatanze inyigisho ku bakoze igitero.


Kumenyekanisha

1
nephtalie 23-08-2017 à 15:17

Turashimiye bimwe bivuye k’umutima abo ba police bo muri Espagne bishe iyo ntagondwa bakomeze akazi kabo kama kawaida

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha