Basketball : Urunani rwatsinze New Star mu nkino za kivandimwe

Yanditswe na BUKURU Pacifique
Kuya 5 février 2018 saa 12:24
3420
0 0

Mu nkino za kivandimwe zatunganijwe n’abamenyereza kur’uyu w’Imana igenekerezo rya 4 Ruhuhuma 208, umurwi w’Urunani watsinze bitoroshe umurwi wa New Star ku manota 71 kuri 64.Gushika mu gace ka nyuma,urukino rwari rushushe, Urunani rukaba rwasize New Star mu minota 2 ya nyuma,bikaba vyabonetse ko umurwi w’Urunani wasumbije New Star uburambe bw’abakinyi nka Elvis Gafyisi, Bruce, n’abandi.

Igihe c’isaha zitatu, habanje kuba urukino rwahuje imirwi ya Dynamo na Muzinga, urukino rutari rworoshe ku mpande zose.Mu ntango z’urukino, habonetse amanota make, imirwi yose ikaba yagiye isa n’iyinganya amanota.

Mu minota ya nyuma, niho umurwi wa Muzinga wivyukiranya, urahindura isura y’urukino, imisore ikiri mito kandi inyaruka cane irahindurira umurwi wa Dynamo.Urukino rwagiye kurangira ku ntsinzi ya Muzinga ku manota 70 kuri 60 ya Dynamo.

Igihe c’isaha zitanu n’igice, niho hatangura urukino rwari rwitezwe n’abakunzi ba Basketball batari bake.Kuva mu myaka yahera, imirwi ya New Star n’Urunani iyo iramutse ihura, abakinyi bose baba bashashaye intsinzi.

Mu gice ca mbere, abakinyi b’Urunani baragerageje gusumvya New Star,na cane cane abakinyi bajejwe gutunganya urukino (meneurs de jeu), nka Ngenzahayo Malich, Bruce, bafadikanije na kizigenza wabo Elvis Gafyisi,gutyo igice ca mbere kirangira Urunani ruri imbere n’amanota 38 kuri 24 ya New Star.

Mu gice ca kabiri, New Star yivyukiranije, abakinyi nka Belo, Mbuyi na bagenzi babo, barerekana ko bashashaye itsinzi,hasigaye iminota 3 gusa ngo urukino rurangire, niho Urunani rw’ivyukiranya maze rurakurayo amanota yose New Star yari yarusumbije batako baratahukana intsinzi ku manota 71 kuri 64.

Aaron KAGABO, umumenyereza mukuru w’Urunani amenyesha ko icatumye batsinda New Star ari imyimenyerezo myinshi bamaze iminsi bakora,akavuga ko yahinduye umukenyuro wo ku menyereza.

Aaron Kagabo arongera akavuga ko inkino za kivandimwe zifasha abakinyi mukuguma bakomeye, bagakosora udukosa two mu myimenyerezo, abakinyi bagasubira ku menyera gukina imbere y’abarorerezi benshi.

Aaron Kagabo akizeza abakunzi ba Basketball ko bagiye gusubira kubona inkino ziryoshe nko mu myaka iheze.

Ihiganwa rya Basketball ry’I Bujumbura rikaba rizotangura mu kwezi kwa gatatu kuza.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha