Ubufaransa : Abashikiranganji bane batanze imihoho mu ndwi imwe

Yanditswe na MUGISHA Van Naris
Kuya 22 Ruheshi 2017 saa 08:43
Yasomwe : 5679
0 0

Inyuma yo gutanga imihoho kw’abashikiranganji Richard Ferrand na Sylvie Goulard, abandi bashikiranganji babiri ba Reta y’Ubufaransa baratanze imihoho kuri un wa gatatu, igenekerezo rya 21 Ruheshi 2017.

Abo batanze imihoho ni umushikiranganji w’ubutungane François Bayrou yari yegereye cane umukuru w’igihugu Emmanuel Macron, hamwe n’umushikiranganji ajejwe akarere ka Buraya Marielle de Sarnez.

Naho François Bayrou yatanze imihoho, bivugwa ko agiye kurongora umugambwe Mouvement Démocrate (MoDem) wari rishigikiye umukuru w’igihugu Emmanuel Macron, mu nama nshingamateka y’Ubufaransa.

François Bayrou, Marielle de Sarnez na Sylvie Goulard bose bava mu mugambwe MoDem, batanze imihoho, mu gihe umugambwe wabo MoDem uriko ugirwako amatohoza ko woba woba wakoresheje abakozi b’inama nshingamateka ya Buraya,ku nyungu z’umugambwe.

Ku rundi ruhande Richard Ferrand yabaye umuvugizi w’umukuru w’igihugu Emmanuel Macron mu gihe co kwiyamamaza, yemeye gutanga imihoho kugira aje kurongora umugambwe La République en Marche mu nama nshingamateka y’Ubufaransa.

Kuri uyu wa gatatu igenekerezo rya 21 Ruheshi 2017, umushikiranganji wa mbere Edouard Philippe yamenyesheje abashikiranganji bashasha Nicole Belloubet yabaye umushikiranganji w’ubutungane,Florence Parly yagenywe kuba umushikiranganji wo kwivuna abansi, na Nathalie Loiseau yagenywe kuba umushikiranganji ajejwe imigenderanire n’ishirahamwe ry’Ubumwe bwa Buraya.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha