Ubufaransa : Umumenyeshamakuru Véronique Robert yitavye Imana

Yanditswe na MUGISHA Van Naris
Kuya 24 Ruheshi 2017 saa 01:25
Yasomwe : 6678
0 0

Inyuma yo gukomeretswa n’igisasu mu gisagara ca Mossoul,mu gihugu ca Irak kuwa mbere igenekerezo rya 19 Ruheshi 2017, umumenyeshamakuru Véronique Robert yitavye Imana ahitanywe n’ibikomere.

Imboneshakure France Télévisions niy yatangaje ubwa mbere urupfu rwa Véronique Robert, ibicishije mw’itangazoyashize ahabona kuri un wa gatandatu igenekerezo rya 24 Ruheshi 2017.

Amakuru dukesha imboneshakure y’abafaransa France 24, amenyesha ko Véronique Robert yatanguye kuvurirwa i Bagdad ku murwa mukuru wa Irak imbere y ‘uko yungururizwa i Paris mw’ijoro ryo kuwa gatanu igenekerezo rya 23 Ruheshi 2017.

Abandi bamenyeshamakuru babiri, Bakhtiyar Addad ava mu gihugu ca Irak na Stéphan Villeneuve ava mu gihugu c’Ubufaransa, bitavye Imana umunsi igisasu giturika, mu gihe bariko begeranya amashusho abafasha gutunganya ikiganiro "Envoyé Spécial".

Naho ibiro vy’umukuru w’igihugu mu Bufaransa ataco biravuga ku rupfu rwa Véronique Robert, Stephan Villeneuve yitavye Imana umunsi igisasu giturika, vyari vyavuzwe ko aronka icubahiro ca Chevalier.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha