’’Ibiganiro bidakumira bibereye hanze nivyo vyotorera inyishu ikibazo c’Uburundi’’

Yanditswe na MUGISHA Van Naris
Kuya 19 Nyakanga 2017 saa 04:29
Yasomwe : 10269
0 0

Ishirahamwe ryishinze kurwanya agiturire n’abasesagura amatunga ya Reta OLUCOME rimenyesha ko ridashigikiye inzira yose yotoreraa inyishu ikibazo c’Uburundi habanje guhonyangwa agateka ka zina muntu. Iryo shirahamwe risanga ibiganiro atawe bikumira kandi bibereye hanze ariyo nzira nziza yofasha gutorera inyishu ikibazo c’Uburundi.

Mu rwandiko ishirahamwe OLUCOME ryashize ahabona rwerekana icokorwa kugira ibijanye n’intwaro n’ubutunzi bisubire kumera neza mu Burundi,ishirahamwe OLUCOME risaba abafasha Uburundi kwumvisha impande zifise ivyo zidahurizako mu Burundi, na cane cane Reta kwemera kwitaba ibiganiro atawe bikumira kandi ata gisabwe.

Muri urwo rwandiko ishirahamwe OLUCOME risaba abo bafasha Uburundi kwumvisha Reta ko yohagarika umugambi wo guhindura ibwirizwa nshingiro, gushika ibiganiro bihuza abarundi bigize ico bibivugako kandi bigatanga uburenganzira ko bikorwa.

Ishirahamwe OLUCOME risaba Reta y’Uburundi kwemera ibitagenda neza no kwemera gukorana n’umurwi w’Ishirahamwe Mpuzamakungu ONU ukora amatohoza ku Burundi kandi ugakorera mu Burundi.

Ishirahamwe OLUCOME rirangiza risaba ibiro vy’umuhuza kumenya no kudondora abari intambayi za poritike na cane cane abari ku butegetsi kuko aribo badashaka gusabikanya n’abandi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha