Imigambi itandatu y’Uburundi yashizwe muri 17 yihutirwa muri EAC

Yanditswe na Egide NDUWIMANA
Kuya 2 Ntwarante 2018 saa 02:20
Yasomwe :
0 0

Imigambi itandatu y’Uburundi kuri 17 yihutirwa mu bikorwa vya Afrika y’ubuseruko niyo yemejwe ko izokorwa, nk’uko vyemejwe mu nama y’abakuru b’ibihugu bigize umuryango wa Afrika y’ubuseruko iheruka kubera i Kampala, mu gihugu ca Uganda.

Inyuma y’inama isanzwe igira cumi n’icenda y’Abakuru b’Ibihugu bigize Umuryango w’ibihugu vyo muri Afrika y’Ubuseruko yabereye i Kampala, mu gihugu c’Ubuganda kw’igenekerezo rya 23 Ruhuhuma umwaka w’2018, aho hemezwa imigambi itari mike yerekeye guteza imbere ibijanye n’inyubako hamwe n’amagara y’abantu mu karere Uburundi burimwo.

Gaston SINDIMWO, icegera ca mbere c’umukuru w’igihugu, ari nawe yaserukiye umukuru w’igihugu c’Uburundi muri iyo nama, amenyesha ko imigambi itandatu y’Uburundi ariyo yashizwe ku rutonde rw’ivyihutitwa.

"Uburundi bwaronse amahirwe y’ukuronka imigambi itandatu iri ku rutonde rw’ivyihuta. Ibarabara ry’indarayi riva Uvinza rishika i Musongati, murazi ko i Musongati kubera Nickel bica vyoroha. Ibarabara riva i Mugina muri Makamba rija mu Rumonge rigaca rishika ngaha i Bujumbura, naryo nyene ryashizwe ku rutonde rw’ivyihuta. Hariho ibarabara ry’indarayi naryo nyene riva Isaka, rigaca mu Rwanda, hanyuma rikava Keza - Gitega - Musongati naryo riri mu vyihuta. Ibindi vyihuta ni kugira ikiyaga Tanganyika kironke ingene urudandazwa rukoreshwa mu kiyaga Tanganyika. Hariho n’ivyerekeye kwagura ikiga c’indege ca Bujumbura, mbere n’ukwubaka ikibuga c’indege mu gihugu hagati."

JPEG - 56.5 ko
Gaston SINDIMWO, icegera ca mbere c’umukuru w’igihugu c’Uburundi

Gaston SINDIMWO amenyesha ko uburyo bukenewe kuri iyo migambi yose 17 bugera ku miriyaridi 78 z’amadorare, ayo mafaranga nayo akazoronderwa ku bagira neza.

Ku ruhande rw’Uburundi bavuga ko amafaranga amaze kuboneka ari ayo gukora ivyigwa kuri iryo barabara ry’indarayi.

Mu bushikiranganji bujejwe iyinjira ry’Uburundi muri EAC bavuga ko bizigiye ko ishirwa mu ngiro ry’iyo migambi izozanira akarusho igihugu c’Uburundi.


Kumenyekanisha

1
SOUPLE DIEUDONNÉ 4-03-2018 à 20:18

Nukuri abajejwe umutekano ni badufashe baje bararaba abakora uawo bubisha!

2
Salathiel Damian 3-03-2018 à 06:10

IBARABARA RYA TANZANIA-CANKUZO RICA AHITWA MUNZANI(TZ) RIKAMBUKIRA AHOBITA GAHUMO(BDI) RIGACA COMMUNE MISHIHA MPAKA KUMURWA MUKURU W’INTARA YA CANKUZO KO MUTARIVUGAKO?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha