IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > u Burundi > Impunzi 72000 ziri muri Tanzaniya zitezwe guhunguka gushika muri Kigarama (...)

Impunzi 72000 ziri muri Tanzaniya zitezwe guhunguka gushika muri Kigarama 2018

jeudi 29 mars 2018

Nk’uko biri mw’itangazo ryasohowe inyuma y’inama nyabutatu yahuje Reta y’Uburundi,Reta ya Tanzaniya hamwe n’ishirahamwe rijejwe impunzi kw’isi HCR kubijanye no guhungura impunzi zipfuza gutahuka mu Burundi zivuye muri Tanzaniya,impunzi 1000 nizo zizotahukanwa ku ncuro 1, mu gihe hategekanijwe incuro 2 buri ndwi.

Iryo tangazo ryerekana ko impunzi zishika 19.148 arizo zimaze kwiyandikisha kugira zitahuke, zivuye mu makambi y’impunzi atandukanye, ari mu gihugu ca Tanzaniya.
Bimwe mu bitegekanijwe kugira ico gikorwa kizogende neza, n’ibijanye no gufasha abazoba bahungutse gusubira mu vyabo hamwe no kubaha imfashanyo y’imfungurwa y’amezi 3.

Ikindi gitegekanijwe n’uko ishirahamwe mpuzamakungu HCR rizohabwa uburenganzira bwo gukorera ku mbibe z’ivyo bihugu bibiri ,kugira igikorwa co guhungura izo mpunzi corohe.

Naho Reta y’Uburundi hamwe na Reta ya Tanzaniya bemeza ko hageze gutandukira intambwe yo guhimiriza abantu mu makambi kugira bahunguke kubera umutekano n’amahoro mu gihugu biriho,ishirahamwe mpuzamakungu HCR ribona ko iyo ntambwe hataragera kwitanguzwa.

Muri iyo nama nyabutatu igira iya 20, Reta y’Uburundi yaserukiwe n’umushikiranganji w’intwaro yo hagati mu gihugu n’inyigisho zo gukundisha igihugu Pascal BARANDAGIYE,Reta ya Tanzaniya iserukirwa n’umuserukizi wayo mu Burundi Rajabu Hassa GAMAHA, ishirahamwe HCR naryo riserukirwa na Gogo HUKPORTIE ahagarariye iryo shirahamwe mu gihugu c’Uburundi.


BIKORIMANA Vianney

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.